8:485  485  MICHAELIS  SERVETI.  486  genita,  idque  ex  Ecclesiastico,  qui  etiam  Sapientiam  ait  esse  creatam.  Si  huic  dicto  vis  esse  autoritatem,  perpende  esse  allegorice  scriptum,  in  umbra  et  praefiguratione  rei  futurae.  Alioqui  improprie  ibi  dici  quid  in  Deo  creatum  vel  genitum.  Si  quid  erat  olim  realiter  genitum,  id  erat  filius  incorporeus.  Unde  non  solum  discerpitur  Deus,  sed  et  duo  filii  manifeste  docentur,  alter  corporeus,  alter  incorporeus.  Deinde  rem  ipsam  clarius  ostensurus,  citas  Paulum,  qui  Christum  ait  esse  genitum  ex  semine  Davidis  secundum  carnem.  Unde  infers:  Ergo  sicuti  Christus  ratione  humanae  naturae  filius  Davidis  nominatur,  ita  etiam  ratione  divinitatis  filius  est  Dei.  Vere  quidem,  sed  natura  ipsa  humana  non  dicitur  filius:  ergo  nec  natura  ipsa  divina  dicetur  filius.  Vides  qualiter  tuo  gladio  te  iugulas.  Tres  quoque  nobis  filios  facis  :  natura  humana  est  tibi  filius:  natura  divina  est  tibi  filius:  et  totus  ipse  Christus  filius.  Ego  ingenue  tibi  fateor,  Christum  ipsum  ratione  humanae,  naturae  esse  filium  Davidis:  sed  naturam  ipsam  humanam  non  esse  filium.  Christum  quoque  fateor  ratione  divinae  naturae  esse  filium  Dei,-  sed  naturam  ipsam  divinam  non  esse  [pag.  43]  filium.  Tu  es  filius  patris  et  matris,  tamen  id  quod  habes  a  patre  non  est  seorsim  filius,  nec  id  etiam  quod  habes  a  matre  :  licet  eorum  ratione  tu  sis  filius.  Haec  est  summa  totius  rei,  hoc  unum  supplex  oro,  ut  me  ratione  vel  autoritate  aliqua  doceas,  deitatem  Ulam  quae  est  in  Christo  esse  filium.  1)  Ad  II.  De  regeneratione  et  regno  Christi.  ^Regenerationem  tecum  fateor  non  momento  perfici,  incipere  tamen  certo  tempore,  idque  in  homine  doctrinae  Christi  capace.  Sed  quare  non  adiecisti,  regenerationem  hanc  esse  ex  aqua  ex  spiritu  sancto?  Si  hoc  adiecisses  :  et  paedobaptismum  improbasses,  et  regnum  Christi  verum  aperuisses.  Nam  paedobaptizati  non  regenerantur  ex  aqua  et  spiritu  sancto,  ut  tu  ipse  fateris.  Si  regeneratio  est  e  coelo,  nonne  per  regenerationem  est  introitus  in  regnum  coelorum?  Intramus  nunc  in  regnum  Christi  per  fidem  in  spiritu:  intramus  et  per  spem,  scilicet  spem  maioris  gloriae  postea  revelandae.  Tu  solam  fere  habes  spem,  quum  tamen  magna  sit  gloria  haereditatis  Christi  in  sanctis  eius,  ut  tales  nos  simus  nunc  in  mundo  hoc,  qualis  Christus  ipse  est  in  coelis,  teste  Ioanne.  Iudaeos  tu  semper  nobis  obtrudis,  non  animadvertens,  eos  scripturis  omnibus  declarari  carnales,  filios  carnis,  haeredes  carnalis  haereditatis,  et  rei  perfectioris  umbram.  Ad  III.  An  baptismus  in  fide  fiat,  sicut  coena.  Promissio  illa,  in  qua  tuum  paedobaptismum  fundas:  Ero  Deus  tuus  et  seminis  tui  post  te:  in  eir-  1)  fils  de  Dieu*