6:485  REFORMANDAE  ECCLESIAE.  cata  est,  ut  nulla  clarior  lux  desiderari  debeat.  Legis  iustitiam  cum  evangelii  iustitia  confert  Paulus:  illam  in  operibus  locat,  hanc  in  Christi  gratia  (Rom.  10,  5  ete).  Neque  inter  opera  et  Christum  dimidiat,  sed  in  solidum  Christo  adscribit,  quod  coram  Deo  iusti  censemur.  Duo  hic  in  quaestionem  veniunt:  utrum  inter  nos  et  Deum  dividenda  sit  salutis  nostrae  gloria;  utrum  in  operum  fiducia  tuto  acquiescere  coram  Deo  conscientiae  nostrae  possint.  De  priore  ita  definit  Paulus:  ut  omne  os  obstruatur,  et  obnoxius  reddatur  totus  mundus  Deo,  omnes  ad  unum  reos  esse  iniustitiae  et  gloria  destitutos;  gratis  autem  iustificari  illius  gratia,  per  redemptionem  quae  est  in  Christo  Iesu,  idque  ad  ostensionem  illius  iustitiae,  ut  sit  ipse  iustus,  et  iustificans  eum  qui  est  ex  fide  Christi  (Rom.  3,  19.  22  ete).  Unde  colligit,  exclusam  omnem  carnis  gloriationem  esse.  Hanc  nos  definitionem  simpliciter  sequimur:  reclamant  adversarii,  non  aliter  iustificari  hominem  Dei  gratia,  nisi  ut  pars  laudis  in  eius  operibus  resideat.  De  altero  ita  ratiocinatur  idem  Paulus:  si  ex  lege  esset  vitae  haereditas,  irritam  fidem  fore,  ot  promissionem  nullam.  Unde  concludit,  fide  nos  haereditatem  [pag.  53]  consequi,  ut  firma  sit  promissio  (Rom.  4,  14  ss.).  Item,  iustificatos  in  Christo  pacem  habere,  neque  amplius  formidare  Dei  conspectum  (Rom.  5,  1).  Intelligit  autem,  quod  pro  se  quisque  nostrum  experitur,  fieri  aliter  non  posse,  quin  perpetua  inquietudine  vexentur,  ac  aestuent  conscientiae,  quamdiu  ad  operum  praesidium  circumspiciunt:  ac  tunc  demum  serena  placidaque  tranquillitate  frui,  quum  ad  Christum  se  contulerunt,  tanquam  ad  unicum  verae  fiduciae  portum.  Ad  hanc  doctrinam  nos  nihil  addimus.  Sed  quod  Paulus  pro  ingenti  absurdo  ducit,  conscientias  dubitatione  inquietari,  adversarii  inter  prima  fidei  suae  axiomata  numerant.  Secunda  exceptio,  qua  utimur,  ad  peccatorum  remissionem  pertinet.  Nam  adversarii  quidem,  quum  negare  nequeant  homines  tota  vita  claudicare,  saepe  etiam  labi:  fateri,  velint  nolint,  etiam  coguntur,  venia  omnes  indigere  per  quam  iustitiae  defectus  suppleatur.  Sed  satisfactiones  postea  fingunt,  quibus  Dei  gratiam  redimant,  qui  peccarunt.  In  hoc  gradu  constituunt  primum  contritionem,  deinde  opera,  quae  voeant  supererogationis,  et  quae  peccatoribus  irrogantur  a  Deo  poenae.  Porro  quoniam  compensationes  istas  a  iusta  mensura  longe  adhuc  abesse  sentiunt,  aliunde  accersunt  novum  satisfactionis  genus:  ex  beneficio  clavium  scilicet.  Clavibus  autem  reserari  dicunt  thesaurum  ecclesiae:  ut  quod  nobis  deest,  ex  Christi  et  sanctorum  meritis  suppleatur.  Nos  vero,  gratuito  remitti  hominibus  peccata  asserimus,  [pag.  54]  nec  ullam  agnoscimus  aliam  satisfactionem,  nisi  qua  defunctus  est  Christus,  quum  sacrificio  mortis  suae  peccata  nostra