5:485  CONSILIUM  PAULI  III.  bendi  sunt?  Sed  dicunt,  repudiato  supremo  imperatoris  iudicio,  quod  protestantes  moliuntur,  maiestas  imperatoria  intercidat  oportet.  At  respondent  protestantes  quod  improbis  absurdisque  sententiis  intercedunt,  se  in  eo  non  eversum  camerae  iudicium,  sed  iuris  legumque  observantia  firmatum  bonisque  et  aequis  viris  instauratum  velle.  Nam  de  [fol,  24]  religione  subire  iudicium  apud  eos  iudices,  qui  verae  religionis  ex  professo  et  acerrimi  hostes  sunt  et  violenti  vexatores,  nihilque  quod  in  ipsis  est  ad  tollendos  e  medio  omnes  qui  veram  religionem  sectantur  et  ipsi  faciunt  reliqui  et  aliis  faciendum  imponunt,  cuius  vel  inertiae  vel  socordiae  esset?  praesertim  quum  detrectare  iure  liceat.  Et  ipsi  Impune  In  omnium  bona  et  vitam  grassari  possint.  Graves  sane  et  truculenti  grassatores  sunt  protestantes  qui  civium  loco  eos  tolerant,  imo  ampliorem  quam  ullis  civibus  libertatem  vel  licentiam  potius  iis  apud  se  concedunt,  quos  certum  est  cum  capitalibus  suis  hostibus  conspirare.  Et  cum  iis  hostibus  quos  nemo  ignorat  quotidie  exitium  ipsorum  moliri.  Nec  enim  dissimulant  cuius  sint  animi,  quum  ipsorum  in  religione  consortes,  ubi  imperium  habent,  novis  et  inauditis  tormentis  excrucient  et  trucident.  Nulla  igitur  spes  firmae  et  diuturnae  pacis  ex  amicis  tractationibus  haberi  potest,  nisi  eam  pacem  velimus,  quae  et  omnem  dignitatem  sedis  apostolicae  in  primis  opprimat  et  catholicam  religionem  conculcet  ac  omnem  ecclesiae  ordinem  confundat  ac  destruat.  Si  dignitas  bedis  apostolicae  est  apostolicam  disciplinam  praestare,  si  religio  est  quam  Christus  nobis  tradidit,  si  ecclesiae  ordo  quem  idem  Dominus  et  spiritus  sanctus  per  apostolos  instituit,  quis  est  qui  dignitatem  opprimat  sedis  apostolicae,  qui  catholicam  religionem  conculcet,  qui  omnem  ecclesiae  ordinem  confundat  et  destruat,  nisi  pontifex  ipse  cum  creaturis  suis?  Apud  hos  enim  quid  non  ex  diametro  cum  disciplina  apostolica  institutisque  Christi  pugnat?  Protestantes  ea  quae  Christus  sancivit,  quae  per  manus  tradiderunt  apostoli,  quae  martyres  et  sanctissimi  patres  observarunt  restituta  cupiunt.  Nihil  vero  sublatum,  nisi  quod  his  adversatur.  Quare  nemo  cum  illis  pacem  facere  detrectabit  nisi  qui  Antichristi  spiritu  occupatus  regnum  Christi  ferre  non  potest.  Haec  omnia  reverendissimus  dominus  legatus  non  ignorat  caesareae  et  regiae  maiestatibus  esse  manifesta,  ac  multo  plura  in  hanc  sententiam,  quae  hic  colligi  brevitatis  studium  non  permittit.