39:485  485  IN  IEREMIAM.  CAP.  LI.  486  propheta  hic  Iudaeos  bono  et  alacri  animo  esse  iubeat,  quamvis  terra  saepius  mutet  dominos:  quia  mutatio  illa  quamvis  sit  multiplex,  nihil  possit  detrahere  imperio  Dei.  Postea  sequitur,  47.  Pr  opterea  ecce  dies  veniunt,  et  visitabo  super  simulacra  Babylonis:  et  tota  terra  eius  pudefiet,  et  omnes  occisi  eius  (vel,  interfecti)  cadent  in  medio  eius.  Repetit  superiorem  sententiam,  Deum  scilicet  visitaturum  super  idola  Babylonis.  Non  loquitur  nunc  de  uno  Belo  duntaxat,  sed  complectitur  omnes  falsos  deos.  Diximus  autem  cur  manum  suam  contra  idola  attollat  Deus,  quae  tamen  sunt  figmenta  nullius  momenti.  Sed  hoc  facit  hominum  respectu,  ut  sentiant  Israelitae  se  fuisse  deceptos  Satanae  praestigiis:  deinde  ut  fideles  intelligant  non  debere  falsis  diis  adscribi,  quum  Deus  ad  tempus  indulget  impiis.  Quantumvis  ergo  lasciviant  in  prospero  suo  successu,  tandem  ubi  pereunt  cum  suis  idolis,  tunc  fideles  experimento  discunt  idola  non  acquisisse  victoriam  suis  cultoribus.  Quum  ergo  nunc  dicit  propheta,  Ecce  veniunt  dies,  et  visitabo,  non  dubium  est  quin  sustinere  voluerit  piorum  animos,  qui  alioqui  trepidassent.  Optima  autem  haec  fultura  erat,  ut  patienter  exspectarent  visitationis  tempus,  de  quo  nunc  disserit.  Visitabo  ergo  super  omnia  simulacra  Babylonis:  deinde  adiungit,  tota  eius  terra  pudefiet.  Loquitur  de  terra,  quoniam  late  patebat  ditio  illius  monarchiae:  ita  per  longos  illos  tractus  difficile  erat  iter,  ut  vix  hostes  possent  unquam  accedere.  Tandem  adiungit,  et  omnes  interfecti  eius  cadent  in  medio  eius.  De  regione  ergo  primum  loquitur:  deinde  adiungit,  quantumvis  urbs  illa  sit  munita,  muros  tamen,  et  turres  nullius  fore  momenti,  quin  victores  grassentur  in  ipsis  compitis,  et  passim  interficiant  eos  qui  putabant  se  latere  in  tuto,  et  quasi  esse  supra  nubes.  Postea  adiungit,  48.  Et  iubilabunt  contra  Babylonem  coeli  et  terra,  et  omnia  quae  in  eis  sunt:  quia  ab  aquilone  veniet  Uli  vastatores  (est  mutatio  numeri),  dicit  Iehovah.  Quo  melius  persuadeat  Israelitis  quidquid  hactenus  docuit,  de  Babylonis  excidio,  pronuntiat  Deum  hoc  facturum,  approbantibus  omnibus  elementis:  Plaudent,  inquit,  coelum  et  terra:  species  est  prosopopoeias.  Tribuit  enim  sensum  coelo  et  terrae.  Posset  quidem  subtiliter  hoc  exponi,  angelos  et  homines  iubilaturos:  sed  frigidior  esset  illa  expositio,  et  propheta  ambiguitatem  tollit,  ubi  adiungit,  Quidquid  in  ipsis  est.  Non  dubium  igitur  est  quin  et  stellas,  et  homines,  et  arbores,  et  pisces,  et  aves,  et  hortos,  et  lapides,  et  fluvios  comprehen-