37:485  485  IN  IEREMIAM.  OAP.  I.  486  usurpat  verbum  vigilandi,  aut  festinandi,  ut  ostendat  se  stare  paratum,  ut  proferat  effectum  sermonis  sui  tempore  opportuno.  Hoc  quidem  non  semper  nobis  apparet,  ideo  dicitur  apud  Abacuc  (2,  3),  Si  moram  fecerit  propbetia,  exspecta  illam,  quia  non  tardabit,  sed  veniens  veniet.  Iubet  ergo  Deus  quietis  animis  exspectare  effectum  verbi  sui:  sed  postea  addit  per  modum  correctionis,  Veniens  veniet,  hoc  est,  efficiam,  et  praestabo  re  ipsa  quidquid  prophetae  mei  ex  mandato  meo  loquuti  fuerint:  ita  nulla  erit  mora,  quia  scilicet  opportunitas  ex  arbitrio  Dei  pendet,  et  non  ex  hominum  iudicio.  Postea  sequitur:  sed  quia  sonat  horologium,  non  possum  ulterius  progredi.  PRECATIO.  Da,  omnipotens  Deus,  quando  dignaris  comiter  nos  ad  te  invitare,  et  sermonem  tuum  in  salutem  nostram  consecras,  ui  tibi  libenter  et  ex  animo  pareamus,  et  ita  simus  morigeri,  ne  cedat  nobis  in  interitum,  quod  in  salutem  nostram  destinaveras  :  sed  semen  illud  incorruptibile,  quo  nos  regeneras  in  spem  vitae  coelestis,  ita  agat  in  cordibus  nostris  radices,  et  fructum  suum  proferat,  ut  nomen  tuum  glorificetur:  sic  plantati  simus  in  atriis  domus  tuae,  ut  floreamus,  et  fructus  appareat  toto  vitae  nostrae  cursu,  donec  tandem  fruamur  beata  illa  vita,  quae  nobis  in  coelo  reposita  est,  per  Christum  dominum  nostrum.  Amen.  13.  Et  fuit  sermo  Iehovae  ad  me  secundo  dicendo,  quid  tu  vides?  Et  dixi,  Ollam  ferventem  ego  video,  facies  eius  a  facie  aquilonis.  14.  Et  dixit  Iehovah  ad  me,  Ab  aquilone  aperietur  (alii  vertunt  pandetur,  alii  solvetur:  erumpet  proprie)  malum  super  cunctos  habitatores  terrae.  Iam  incipit  Ieremias  sermonem  dirigere  ad  populum,  cui  datus  erat  propheta.  Hactenus  enim  de  sua  vocatione  disseruit,  ut  constaret  autoritas  doctrinae  eius,  et  ita  in  genere  loquutus  est:  nunc  autem  specialiter  accommodat  suam  doctrinam  ad  populum.  Dicit  igitur  oblatam  sibi  esse  visionem  ollae  ferventis,  cuius  facies  erat  versus  aquilonem.  Quod  autem  Deus  interrogat,  et  respondet  ipse  propheta,  in  eo  confirmat  suum  vaticinium:  quia  si  narrasset  simpliciter  se  vidisse  ollam  ferventem,  et  exposuisset  quorsum  oblata  esset  haec  figura,  non  fuisset  tantum  ponderis  in  verbis.  Sed  ubi  Deus  ipse  adest,  et  pronuntiat  quid  significet  olla  bulliens,  illic  confirmatur  vaticinium.  Et  minime  dubium  est,  quin  propheta  hanc  loquendi  formam  usurpaverit  ac  si  Deus  ipse,  quasi  positus  in  medio,  probaret  se  esse  autorem  huius  vaticinii.  Haec  autem  summa  est,  venturos  esse  Chaldaeos,  qui  urbem  Ierosolymam  evertant,  qui  tollant  et  aboleant  omnem  digni-