35:485  485  IOB  CHAP.  XLII.  .  486  y  a  une  telle  folle  temerite  en  moi,  et  que  ie  me  suis  desborde  et  par  trop  esgarer  maintenant  que  tu  m'interrogues  :  et  quand  ie  serai  enseigne  en  ton  escole,  que  ie  parle  comme  tu  voudras  m'enseigner  simplement:  et  qu'il  ne  m'ad  vienne  plus  de  mettre  en  avant  les  choses  dont  ie  serai  ignorant.  Voila  en  somme  ce  qui  est  contenu  en  ce  verset.  Or  quand  Iob  dit,  Escoute  moi,  ie  parlerai:  il  n'entend  pas  d'avoir  ici  audivi,  de  dire  ce  que  bon  lui  semble  (car  il  en  avoit  desia  fait  par  trop)  mais  il  s'excuse,  disant  quant  et  quant  qu'il  interroguera  Dieu  pour  estre  enseigne.  Notons  donc  qu'il  y  a  deux  facons  de  parler  a  Dieu.  L'une  c'est  quand  les  hommes  plaident  contre  lui,  et  qu'ils  amenent  leurs  interrogations,  et  font  leurs  obiections,  et  s'estiment  bien  estre  sages.  Voila  une  facon  mauvaise,  quand  nous  attentons  d'entrer  ainsi  en  dispute  contre  Dieu,  ou  de  repliquer  contre  ce  qu'il  fera.  Gardons-nous  de  ce  langage:  car  il  vaudroit  mieux  que  nos  langues  fussent  arrachees.  Combien  que  ce  soit  un  vice  par  trop  commun,  si  est-ce  que  c'est  un  vice  detestable  et  qui  ne  se  doit  nullement  supporter.  Apprenons  donc  d'avoir  la  bouche  close  (comme  il  a  este  dit  ci  dessus)  que  nous  ne  parlions  point  de  nostre  cerveau:  quand  nos  imaginations  nous  viennent  au  devant,  que  tout  cela  soit  abbatu.  Car  quand  ie  di  qu'il  n'est  licite  de  parler,  i'enten  qu'il  faut  que  nous  soyons  reprimez  non  seulement  en  nos  langues,  mais  en  toutes  nos  affections:  non  pas  que  nous  puissions  tant  faire,  que  nous  ne  sentions  tousiours  quelque  cupidite  fretillante  de  nous  enquerir  par  trop,  et  de  disputer  contre  Dieu:  mais  il  faut  batailler,  et  que  cela  soit  mis  bas.  Et  c'est  la  sobriete  a  laquelle  il  faut  que  tous  fideles  se  reduisent  par  l'Evangile,  pour  donner  gloire  simplement  a  Dieu,  confessans  qu'ils  ne  savent  rien.  Il  faut  donc  que  ceci  soit  pratique  de  tous  enfans  de  Dieu:  c'est  qu'ils  n'attentent  point  de  parler  ainsi  a  la  volee  de  ce  que  bon  leur  semblera.  Mais  il  y  a  l'autre  facon  de  parler  qui  est  bonne  et  saincte,  qu'il  faut  qu'ils  suivent:  c'est  assavoir  qu'ils  demandent  a  Dieu  qu'il  les  instruise.  Car  nous  en  voyons  beaucoup,  qui  se  nourrissent  en  leur  bestise  :  et  quand  on  taschera  de  les  amener  a  la  verite,  ils  n'en  veulent  point  approcher:  ils  s'abbrutissent  pour  ne  savoir  rien,  et  sont  la  du  tout  hebetez.  Il  faut  donc  que  nous  parlions:  voire  interrogans  Dieu,  c'est  a  dire  lui  demandans  qu'il  nous  instruise,  apres  avoir  confesse  que  nous  ne  savons  rien,  que  nous  sommes  vuides  de  toute  clarte,  de  toute  intelligence  et  raison,  qu'en  nostre  esprit  il  n'y  a  que  tenebres  et  mensonges.  Apres  donc  avoir  confesse  cela,  que  nous  venions  interroguer  Dieu,  Et  Seigneur  qu'il  te  plaise  de  nous