32:485  485  SUR  LB  PSEAUME  CXIX.  486  et  ne  seroit  pas  entendu,  sinon  qu'il  fust  applique  a  ceste  fin-la  :  ^c'est  ascavoir  que  Dieu  contractant  avec  nous,  declaire  comme  il  nous  veut  attirer  a  soy,  et  aussi  comme  nostre  vie  doit  estre  reglee,  afin  qu'il  y  ait  une  convenance  mutuelle.  Comme  s'il  disoit,  Or  ca,  que  i'entre  avec  vous  en  paction,  et  que  vous  me  cognoissiez  pour  vostre  Dieu:  que  vous  ne  doutiez  point  que  ie  ne  vous  aime,  et  en  vous  aimant  que  ie  ne  soye  vostre  sauveur,  que  vous  m'invoquiez  en  ceste  fiance:  et  au  reste,  que  vous  me  soyez  aussi  enfans  paisibles,  que  ie  vous  gouverne,  que  vous  soyez  comme  de  ma  maison.  Quand  donc  Dieu  s'abbaisse  ainsi  a  nous,  et  qu'il  use  d'une  telle  privaute  pour  communiquer  ensemble:  il  est  dit,  qu'il  nous  donne  ses  tesmoignages.  Or  David  maintenant  declaire,  que  bien-heureux  sont  ceux  qui  gardent  les  tesmoignages  de  Dieu,  et  qui  le  cerchent  en  tout  leur  coeur.  Comme  s'il  disoit,  que  la  Loy  de  Dieu  ne  consiste  pas  seulement  en  ce  qu'elle  'nous  monstre  ce  que  nous  devons  faire,  mais  qu'elle  ha  une  autre  doctrine  speciale:  c'est  ascavoir,  de  nous  certifier  que  Dieu  nous  veut  estre  pere,  qu'il  nous  porte  une  telle  amour,  qu'il  ne  demande  sinon  que  nous  luy  soyons  enfans  pour  estre  ses  heritiers.  Et  a  cela  tendent  toutes  les  ceremonies  desquelles  il  sera  parle  cy  apres.  Or  ii  est  vray  cependant,  que  tant  yci  comme  dessus,  et  par  les  autres  noms  qui  sont  couchez  en  ce  Pseaume,  comme  de  Statuts,  Decrets,  Ordonnances:  David  entend  tousiours  la  doctrine  (le  la  Loy.  Mais  si  nous  faut-il  noter,  que  ceste  diversite  de  mots  n'est  pas  mise  sans  cause,  mais  c'est  pour  nous  exprimer  quelle  variete  de  consolation  nous  revient  de  ce  que  Dieu  nous  monstre  en  la  Loy  de  Moyse,  et  en  tous  les  Prophetes,  qui  sont  comme  expositeurs  d'icelle.  Car  beaucoup,  quand  on  leur  parle  de  la  Loy,  estiment  qu'il  n'y  a  sinon  ce  que  Dieu  commande  qu'il  nous  faut  faire.  Or  il  y  a  bien  plus,  c'est  ascavoir  qu'il  nous  asseure  de  sa  grace,  et  veut  que  nous  soyons  appuyez  sur  icelle,  pour  estre  certains  de  nostre  salut,  et  qu'il  nous  certifie  son  amour  par  les  sacremens  qui  sont  la  ordonnez.  Et  au  reste,  qu'il  faut  que  nous  ayons  nostre  adresse  a  Iesus  Christ  et  que  nous  soyons  par  ce  moyen-la  instruits  a  avoir  tout  nostre  refuge  4  celuy  qui  seul  nous  peut  sauver.  Quand  donc  Dieu  parle  a  nous,  notons  qu'il  ne  dit  pas  seulement,  Faites  cecy,  ou  cela:  mais  il  nous  monstre  quel  nous  le  sentirons,  et  quel  il  se  monstrera  aussi  par  experience  et  par  effet  de  son  coste  envers  no^.  Ceste  diversite  donc  des  mots  dont  use  David  au  Pseaume  present,  n'est  pas  superflue:  car  elle  nous  monstre  que  la  Loy  de  Dieu  n'est  pas  seulement  pour  commander  comme  les  hommes  doyvent  vivre,  et  en  quelle  facon:  mais  qu'elle  les  certifie  de  la  bonne  volonte