9:484  per  hominem,  sed  divinitus:  in  terra,  sed  coelitus;  alter  vero  sic  ad  verbum:  Nunc  ille  praesto  est  Christus,  qui  illam  ornavit  mensam  in  qua  sedebat,  ipse  quoque  istam  consecrat.  Non  enim  homo  est  qui  *)  proposita  do  consecratione  mensae  Domini  corpus  Christi  facit  et  sanguinem:  sed  ille  qui  crucifixus  est  pro  nobis,  ete.  Quae  postea  subiicit,  nihil  ad  me.  Fanaticam  esse  dicit  et  sophisticam  corruptelam,  indignos  accipere  pro  infirmis  et  exigua  fido  praeditis,  non  autem  prorsus  alienis  a  Christo.  Inveniet,  spero,  qui  respondeant.  Me  tamen  hic  tortor  ad  causae  alienae  patrocinium  trahit,  ut  sacrilegii  et  immanissimi  parricidii  crimine  oneret  (sic  enim  loquitur)  quia  mea  doctrina  necantur  trepidae  conscientiae,  et  ad  desperationem  adiguntur.  Interrogat  etiam  Calvinistas,  qua  fide  accedant  ad  coenam,  magna,  an  exigua?  Responsio  in  promptu  est,  quam  suppeditat  Institutio,  ubi  diserte  refellitur  eorum  error  qui  perfectionem  exigunt  quae  nusquam  reperiatur:  qua  severitate  arcent  non  infirmos  tantum,  sed  perfectissimos  etiam  quosque  ab  usu  coenae.  Quin  etiam  pueri  apud  nos  ex  communi  formula  quae  plebi  recitatur  probo  instructi  sunt  ad  putidae  calumniae  refutationem.  Ergo  suam  loquacitatem  [pag.  39]  frustra  hic  ostentat,  celeriter  extra  viam  currendo,  quum  a  causa  divertit.  Ne  tamen  etiam  sibi  in  hac  parte  placeat,  hoc  quasi  parergon  inserere  libet.  Ex  diametro,  inquit,  pugnat  cum  peccatorum  remissione  fieri  aliquem  reum  coram  tribunali  Dei.  Quasi  vero  non  elementariis  quoque  notum  sit,  sanctos  in  eodem  actu1  iram  Dei  provocare,  et  tamen  eius  indulgentia  gratiam  adipisci.  Astutiam  Rebeccae,  dum  filium  Iacob  subornat  loco  Esau,  damnabimus  omnes.  Itaque  minime  dubium  quin  gravem  poenam  coram  Deo  merita  sit  haec  culpa:  cui  tamen  ita  clementer  ignovit,  ut  hoc  modo  perveniret  benedictio  ad  Iacob.  Porro  in  transcursu  notandum  est  quam  acute  diluat  quod  obiicio  absurdum,  Christum  scilicet  non  posse  a  spiritu  suo  separari.  Respondet,  quum  verba  Pauli  perspicua  sint,  illis  se  assentiri.  An  ut  miraculo  nos  obstupefaciat,  caecos  dicit  videre?  Nam  in  verbis  Pauli  nihil  tale  perspici  satis  ostensum  est.  Conatur  tamen  se  expedire  :  Quia  Christus  multis  modis  adsit  creaturis.  Sed  in  primis  hoc  probandum  est,  quomodo  adsit  Christus  incredulis,  quatenus  est  spiritualis  animarum  cibus,  vita  denique  et  salus  mundi.  Et  quando  tam  mordicus  verbis  adhaeret,  scire  velim  quomodo  Christi  carnem  edant  impii,  pro  quibus  non  est  crucifixa,  et  quomodo  sanguinem  bibant,  qui  expiandis  eorum  peccatis  non  est  effusus.  Fateor  quod  dicit,  adesse  ut  severum  iudicem,  dum  indigne  polluitur  eius  coena.  Sed  aliud  est  comedi,  aliud  esse  iudicem.  Quod  postea  dicit  exstitisse  in  Saule  spiritum,  sanc-  1)  qui  fait  les  choses  presentees  .  .  .  .  estre  le  corps  etc≫