8:484  eius  natura  pendet  ac  aestimanda  est  ex  natura  promissionis.  Promissio  baptismi  est:  Ero  Deus  tuus,  et  Deus  seminis  tui  (Gen.  17,  7).  1)  Promissio  coenae  est:  Quisquis  ederit  panem  hunc,  et  biberit  ex  calice  celebrans  memoriam  mortis  Christi,  ut  decet,  particeps  erit  corporis  ipsius  et  sanguinis  (Ioann.  6,  54).  Nullum  fore  baptismi  usum  sentimus,  donec  fide  apprehendatur  haec  promissio.  Verum  non  sibi  quisque  tantum,  sed  pariter  soboli  suae  apprehendit:  imo  omnes  in  commune  amplectimur  gratiam  illam  ecclesiae  oblatam.  Si  neges  talem  promissionem  inveniri,  quae  in  baptismum  competat:  mihi  abunde  sufficit  unus  locus,  ubi  Petrus  eam  quae  Abrahae  in  circumcisione  data  fuit  extendit  ad  tempus  novi  testamenti.  Ad  vos,  inquit,  et  filios  vestros  pertinet  haec  gratia:  estis  enim  haeredes  promissionis  (Act.  2,  39).  Cui  sententiae  suffragatur  ista  Pauli  (Rom.  15,  8):  Christus  minister  est  circumcisionis,  ad  implendas  promissiones  quae  patribus  datae  fuerant.  Gentes  autem  super  misericordia  glorificate  Deum.  Postquam  Iudaeis  stabilivit  suam  possessionem,  gentes  quoque  in  societatem  illis  adiungit.  In  coena  exigitur  a  singulis  proprium  examen  et  propria  fides.  Neque  vero  aliud  hodie  discriminis  statuimus  inter  haec  duo  sacramenta,  baptismum  scilicet  et  coenam,  quam  inter  circumcisionem  et  pesah  olim  fuit.  Sed  nolo  esse  prolixior.  Qui  enim  prudenter  analogiam,  quam  dixi,  inter  fidem  et  promissiones  expendet,  [pag.  42]  huic  doctrinae  non  difficulter  assentietur.  Quod  autem  deinde  rogas,  quorsum  instituta  fuerint  symbola  baptismi  et  coenae  in  foedere  novo,  breviter  respondeo:  baptismo  nobis  adoptionem  nostram  obsignari,  ut  censeamur  inter  Dei  filios:  sacra  coena  Deum  boni  patrisfamilias  officium  peragere,  nos  alendo,  postquam  in  eius  domum  sumus  recepti.  Neque  me  latet  quae  obiectari  contra  soleant.  Sed  quia  mihi  videor  omnibus  obiectis  alibi  satisfecisse,  fusiorem  explicationem  inde  peti  malim.  Si  quid  deest,  paratus  sum  adiicere,  si  fuero  admonitus.  SOLUTIONUM  REFUTATIO  A  SERVETO  MISSA.  Ad  primam  quaestionem  de  filio  Iesu.  Hominem  Iesum  crucifixum  mecum  fateris  esse  filium  Dei.  Filiationis  huius  rationem  non  dicis  esse,  quod  homo  ipse  sit  genitus  a  Deo,  sed  quod  sit  res  alia  genita,  quae  carnem  induit.  Ad  assumpti  probationem  solum  citas  allegoricum  dictum  de  Sapientia  1)  Or  au  Baptesme  Dieu  promet  a  ses  fideles  qu'il  sera  Je  Sauveur  et  pere  d'eux  et  de  leur  semence.