5:484  saepe  obtulerunt  et  nunc  offerunt,  et  tamen,  si  pontificiis  credimus,  religionem  profanarunt.  Imo  in  tantum  progressi  sunt  ut  integerrimum  iudicium  divellere  conentur  .  .  .  .  An  iudicium  divellunt,  qui  non  nisi  iniquas,  et  non  minus  contra  Caesaris  iussa  et  pacta  quam  contra  Dei  legem  latas  sententias  repudiant?  Quod  si  probe  intelligere  velis,  nihil  integri,  nihil  sancti,  nihil  aequi  apud  illos  iudices  esse,  reputa  quis  sit,  qui  eos  tam  bellis  encomiis  praedicat.  Neque  enim  a  pontificio  [fol.  23]  legato  nisi  nefaria  mercede  hanc  laudem  consequuti  essent.  Et  sane  satis  apparet,  ut  proiecto  religionis  studio  eam  sacrorum  profanationem,  ex  qua  plerique  eorum  deiiciantur,  impudenter  defendant,  colluviem  pseudocleri,  publicam  Germaniae  pestem,  non  sine  aperta  patriae  proditione  suo  patrocinio  sustineant,  omissa  Caesaris  dignitate  ,  neglecto  iure,  in  asserendo  pontificis  romani  tyrannide  pertinacissime  insistant.  Quid  in  iudicio  tam  corrupto  integritatis  aut  reverentiae  esse  potest?  Ut  eo  divulso  etiam  autoritas  caesareae  maiestatis  in  Germania  concidat  .  .  .  .  Bellum  est  hoc  artificium,,  si  quidem  uno  verbo  profligatus  hic  nepos  imperatori  persuadere  valeat,  protestantes  illius  potestati  insidiari,  pontifieios  autem  eam  conservatam  velle.  At  protestantes  hanc  doctrinam  profitentur,  quae  ex  verbo  Dei  iubet  omnem  animam  potestatibus,  quae  gladium  gestant,  subiici.  Pontificii  autem  se  omni  humano  imperio  exemptos  volunt,  imo  superiores.  Protestantes  cupiunt  valere  leges,  quas  pii  imperatores  de  personis  et  rebus  ecclesiasticis  sancte  condiderunt.  Pontificii  eas,  ut  nullo  iure  nixas  et  sine  imperio  latas,  abrogarunt,  condereque  quamlibet  sanctas  et  pias  temeritatis  et  illicitae  audaciae  esse  pronunciarunt.  Protestantes  denique  nullum  episcopum,  ne  romanum  quidem  recipi  volunt,  nisi  qui  secundum  canones  ab  imperatoribus  fuerit  comprobatus  et  cui  examinando  adhibiti  sint  imperatorii  magistratus.  Pontificii  vero  non  solum  se  a  principibus  rite  et  veteri  instituto  probari  non  sustinent,  sed  hoc  quoque  vel  iuris  vel  licentiae  sibi  sumunt,  ut  in  sua  manu  sit  et  imperatores  instituere  quos  velint,  et  destitutos  a  so  honore  abdicare,  idque  pro  mera  libidine  et  summa  cum  reipublicae  christianae  pernicie,  uti  saepe  fecerunt.  Per  ambitum  quidem  profligata  omni  canonica  electione,  episcopatus,  abbatias  et  pinguiora  sacerdotia  a  principibus  accipiunt,  sed  et  haec  non  aliter  aestimantur  quam  aulicorum  obsequiorum  praemia,  nihil  ad  eam,  quam  principibus  canones  deferunt,  legitimam  examinis  potestatem.  Et  tamen  protestantes  autoritati  quoque,  potestati  imperatoriae  inimici,  adversi,  insidiatores,  infesti,  et  pontificii  amici  ha-