39:484  cur  turbentur,  quidquid  accidat.  Venient,  inquit,  et  exsurgent  varii  rumores,  sed  state  firmis  animis.  Quod  restringunt  interpretes  rumores  istos  ad  primum  annum  Balsasar,  nescio  an  firmum  sit.  Sed  simpliciter  ita  accipio,  muniri  debiles  animos,  ne  obruantur  vel  saltem  vacillent  tentationibus,  ubi  graves  motus  audierint.  Est  autem  doctrina  haec  apprime  utilis.  Nam  quum  Deus  auxiliari  vult  suae  ecclesiae,  patitur  mundum  quodammodo  misceri,  quo  illustrior  sit  redemptionis  gratia.  Nisi  ergo  gustum  misericordiae  Dei  conciperent  fideles  nunquam  fortibus  animis  perferrent  tentationes  quibus  Deus  eos  exanimat:  et  Satan  ex  opposito  conatur  fidem  ipsorum  evertere.  Huius  rei  praeludium  fuit  in  veteri  populo:  promiserat  Deus  se  fore  illius  redemptorem,  quum  instaret  dies,  bellum  repente  exortum  est:  et  Medi  ac  Persae  tanquam  locustae  cooperuerunt  totam  terram.  Scimus  cfuam  varia  incommoda  secum  trahat  bellum.  Non  dubium  igitur  est  quin  multas  et  graves  molestias  sustinuerint  filii  Dei,  praesertim  quum  essent  illic  exsules,  quin  esurierint,  quin  vexati  fuerint  variis  modis.  Iam  quoniam  pendebat  belli  eventus,  poterant  centies  deficere,  nisi  suffulti  fuissent  hoc  vaticinio.  Sed  quemadmodum  dixi,  ita  nunc  quoque  Deus  agit  cum  sua  ecclesia.  Ubi  enim  apparet  redemptor,  videntur  omnia  ruinam  potius  minari,  quam  promittere  laetum  et  felicem  exitum.  Necesse  igitur  est,  ut  nobis  occurrant  in  memoriam  haec  vaticinia:  deinde  ut  accommodemus  in  usum  nostrum  quod  olim  patribus  nostris  contigit,  quia  sumus  idem  corpus.  Non  est  ergo  cur  hodie  miremur  si  videntur  omnia  pessum  ire,  quum  tamen  Deus  promiserit  salutem  ecclesiae  sibi  fore  semper  pretiosam,  et  se  de  ea  fore  sollicitum.  Quare?  dictum  enim  est,  Ne  mollescat  cor  vestrum,  ne  timeatis  ubi  rumores  exorti  fuerint  alii  super  alios,  ubi  annus  unus  attulerit  tumultum,  deinde  alter  pariet  novum  tumultum  :  ne  tamen  illud  conturbet  animos.  Et  videtur  Christus  alludere  ad  haec  prophetae  verba,  quum  dicit  (Matt.  24,  6),  Exorientur  bella,  et  rumores  bellorum,  ne  deficiatis.  Illa  Christi  sententia  satis  nos  admonet,  non  esse  mirum  si  hodie  exerceatur  ecclesia  inter  graves  fluctus,  et  agitetur  quasi  continuis  tempestatibus:  quare?  aequum  enim  est,  ut  similis  sit  nostra  conditio,  ac  fuit  patrum,  vel  saltem  ad  eam  accedat.  Nunc  ergo  et  consilium  prophetae,  et  perpetuum  usum  huius  doctrinae  tenemus.  Postea  addit,  Violentia  in  terra,  et  dominator  super  dominatorem.  Referunt  hoc  ad  Cyrum,  qui  Dario  successit,  quem  alii  nominant  Cyaxarem.  Regnarunt  quidem  ambo,  ut  satis  notum  est:  sed  Darius  qui  senior  erat,  nomen  obtinuit  summi  regis:  postea  Cyrus  ad  se,  illo  mortuo,  traxit  totam  illam  monarchiam.  Fuit  autem  uno  tantum  anno  superstes  post  captam  Babylonem  Darius  Medus.  Sed  non  dubito  quin