37:484  nulla  erit  allusio  in  vocibus,  atque  ita  oratio  perdet  gratiam,  et  sensus  frigebit.  Necesse  est  igitur  ita  vertere,  nisi  velimus  corrumpere  hunc  locum,  et  tenebris  involvere  prophetae  sensum,  video  virgam,  aut  baculum,  vigilis.  Fingamus  notari  hic  amygdalum:  sed  tamen  vocatur  arbor  vigil  proprie,  si  respicimus  etymologiam,  et  res  ita  postulat,  quemadmodum  omnes  nunc  vident.  Proposuit  igitur  Deus  hanc  speciem  servo  suo,  ut  videret  baculum  vigilis.  Quorsum?  'Recte  vidisti,  inquit,  baculum  vigilis  y  quia  ego  vigilo  super  sermonem  meum,  ut  ipsum  exsequar,  vel  compleam.  Videntur  interpretes  perperam  restringere  hoc  ad  poenas,  de  quibus  postea  videbimus.  Sic  enim  exponunt,  non  carituras  suo  effectu  minas,  quibus  utetur  deinde  propheta,  quoniam  paratus  sit  Deus  infligere  quidquid  denuntiabit.  Sed  illud  est  nimis  restrictum,  meo  iudicio.  Neque  enim  dubito,  quin  generaliter  hic  Deus  extollat  sermonem  suum,  et  commendet  ab  effectu:  quasi  diceret  se  non  loqui  per  servos  suos,  ut  evanescat  quidquid  dixerint,  vel  in  terram  cadat,  sed  simul  coniunctam  esse  efficaciam,  quemadmodum  apud  Isaiam  (55,  l  l  )  dicitur,  Non  redibit  sermo  meus  ad  me  vacuus,  sed  prosperabitur  in  omnibus,  hoc  est,  faciam  ut  parata  sit  exsequutio  doctrinae  propheticae,  quo  scilicet  intelligat  totus  mundus  me  non  frustra  loqui,  et  non  esse  inanem  sonitum  in  verbo  meo,  sed  solidam  efficaciam,  quae  tempore  suo  exstabit.  Ideo  dixi  hos  versus  contexi  debere  cum  proximo  membro,  ubi  dicebat  Deus  se  mittere  prophetam  ad  eradicandum,  ad  plantandum,  ad  demoliendum  et  ad  aedificandum.  Aliis  ergo  verbis  hoc  probat,  nempe  quoniam  ipse  vigilet  super  suo  sermone,  quo  exsequatur  quidquid  protulerit  per  servos  suos:  quasi  diceret,  prophetis  quidem  mando  has  partes,  ut  loquantur:  sed  quia  loquuntur  ex  ore  meo,  ego  adsum  praesto,  inquit,  ut  compleam  quidquid  ipsis  iniungo.  Denique  significat  Deus  virtutem  et  potentiam  manus  suae  coniunctam  esse  cum  sermone,  cuius  prophetae  sunt  ministri  apud  homines.  Ita  generalis  est  doctrina  quae  pertinet  non  tantum  ad  poenas,  sed  etiam  ad  promissiones.  Reele  igitur  vidisti,  inquit,  quoniam  vigilo  ego.  Hic  Deus  non  resignat  munus  suum  Ieremiae,  quamvis  eius  opera  utatur  ad  docendum:  sed  ostendit  penes  se  manere  virtutem  ad  implendum  quidquid  loquutus  fuerit  propheta.  Et  notandum  est  etiam  quod  addit,  Super  sermonem  meum  ad  complendum  ipsum.  Neque  enim  Deus  hic  quidquam  proprium,  vel  separatum  Ieremiae  attribuit,  sed  commendat  tantum  efficaciam  sermonis  sui:  quasi  diceret,  Modo  sis  mihi  fidelis  minister,  ego  spem  tuam  non  frustrabor,  neque  eorum  qui  tibi  erunt  obedientes.  Nam  complebo  quidquid  tu  spera  veris,  et  ipsi:  deinde  non  evadent  impune  quicunque  tibi  restiterint.  Ego  enim  poenas  de  ipsis  suo  tempore  exigam.  Et  ideo