35:484  messes  du  salut  eternel  qui  sont  contenues  en  l'Evangile,  sont  choses  admirables  par  dessus  nous:  qu'il  ne  faut  point  donc  que  nous  y  venions  a  la  volee  avec  audace  ni  presomption:  mais  qu'en  toute  crainte  nous  prions  Dieu  qu'il  nous  face  gouster  ses  secrets  entant  qu'il  nous  est  utile:  et  qu'il  nous  ciarifie  de  iour  en  iour  ce  qui  nous  est  obscur:  et  qu'il  ne  permette  point  que  nous  passions  nos  bornes:  mais  que  ce  qu'il  nous  aura  revele  nous  profite,  en  attendant  qu'il  nous  augmente  la  foi.  Et  par  ainsi  que  nous  ne  parlions  iamais,  et  ne  pensions  de  ses  secrets  qu'avec  toute  reverence  et  humilite.  Au  reste  quand  Iob  confesse  qu'il  a  parle  et  n'entendoit  point,  puis  qu'il  s'accuse  de  temerite,  apprenons  aussi  a  son  exemple  de  condamner  tous  les  propos  que  nous  aurons  tenus  devant  qu'avoir  bien  este  enseignez  de  la  bouche  de  Dieu.  Et  n'ayons  point  de  honte  de  confesser  nostre  folie,  quand  sans  fondement  nous  aurons  monstre  nostre  bestise.  Ne  faisons  point  comme  ceux  qui  babillent  quand  ils  sont  redarguez:  car  ils  ne  font  que  s'envenimer,  et  leur  semble  que  c'est  assez  de  tousiours  poursuivre,  O  voila  ie  n'en  dirai  autre  chose,  ie  n'ai  point  d'autre  advis.  Que  nous  n'ayons  point  ceste  durete  la  en  nous:  mais  quand  nous  aurons  eu  ceste  audace  de  parler  trop  avant,  et  qu'il  nous  sera  eschappe  quelque  propos  volage,  devant  que  nous  fussions  bien  fondez  en  la  verite  de  Dieu:  que  nous  recognoissions  nostre  folie,  renoncans  avec  Iob  a  l'arrogance  que  nous  avons  eu  trop  excessive,  Fai  parle,  et  rientendoye  point  Or  cependant  il  nous  faut  aussi  estre  advisez  pour  l'advenir:  et  que  nous  pratiquions  ce  qui  a  este  allegue  par  ci  devant,  de  croire  avant  que  parler.  Or  ne  savons-nous  croire  sinon  ce  qui  nous  a  este  monstre  de  nostre  Dieu:  il  faut  donc  la  venir,  que  nostre  foi  soit  fondee  sur  la  parole  de  Dieu,  et  que  l'Escriture  saincte  soit  toute  nostre  sagesse.  Quand  nous  aurons  ainsi  cognu,  nous  pourrons  parler:  voire  parler  des  choses  qui  surmontent  nostre  entendement:  mais  Dieu  nous  les  aura  declarees  par  foi,  ainsi  que  desia  nous  avons  dit.  Or  ce  n'est  point  assez  que  nous  recognoissions  nos  fautes:  mais  il  faut  venir  au  remede  quant  et  quant:  comme  aussi  Iob  nous  en  donne  l'exemple.  Car  apres  avoir  dit  qu'il  s'est  avance  sans  avoir  bien  entendu,  il  adiouste,  Escoute  moi,  et  ie  parlerai:  ie  tinterroguerai  afin  que  tu  m"enseignes.  Ici  donc  Iob  pretend  de  se  reprimer,  pource  qu'il  voit  qu'il  avoit  fait  comme  du  cheval  eschappe,  quand  il  ne  s'estoit  point  contenu  en  ses  limites.  Il  ne  fait  point  donc  confession  de  sa  faute,  comme  beaucoup  de  gens  qui  pensent  estre  quittes  disans  en  un  mot,  I'ai  mal  fait:  et  puis  ils  y  retournent  incontinent:  et  c'est  tousiours  a  recommencer.  Il  n'en  fait  pas  ainsi:  mais  il  dit,  Seigneur,  puis  qu'ainsi  est  qu'il