32:484  de  raison  en  nous,  il  est  certain  que  nous  ne  reietterons  point  ainsi  nostre  bien  de  propos  delibere  comme  nous  faisons.  Voyci  Dieu,  qui  nous  monstre  comment  c'est  que  nous  pouvons  estre  heureux,  et  nul  n'y  entend,  mais  nous  allons  tout  au  rebours.  Ne  est-ce  pas  donc  a  bon  droit  que  David  nous  condamne?  Or  pource  que  tous  protesteront  assez  qu'ils  cognoissent  la  droite  voye,  il  adiouste,  Ceux  qui  cheminent  en  la  Loy  du  Seigneur.  Il  avoit  dit,  Bienheureux  sont  les  hommes  droits  en  la  voye,  c'est  a  dire,  qui  cheminent  droitement.  Et  qui  sont  ceux-la?  Or  il  est  vray,  comme  i'ay  desia  dit,  que  beaucoup  se  vanteront  de  cheminer  droit,  tellement  qu'il  n'y  a  que  redire:  mais  cependant,  si  on  leur  demande  qui  leur  a  fait  le  chemin,  et  qui  les  rend  certains  qu'ils  tendent  a  un  vray  but,  ils  ne  scavent  qu'en  dire.  Il  n'y  a  donc  qu'une  seule  voye  qui  nous  conduise  a  salut,  c'est  la  Loy,  comme  David  en  parle.  Parquoy  ceux  qui  cheminent  en  la  Loy  de  Dieu,  ne  sont  point  esgarez  en  leur  vie,  dit-il.  Or  maintenant  nous  avons  deux  sentences  notables  en  ce  premier  verset,  l'une  est,  que  nous  sommes  yci  accusez  de  Dieu,  de  ce  que  chacun  s'esgare  et  se  destourne  du  chemin  de  salut,  et  combien  que  nous  protestons  d'avoir  un  bon  desir,  si  est  ce  que  nos  affections  mauvaises  nous  destournent  tellement,  que  nous  ne  demandons  qu'a  nous  eslongner  du  bien  et  de  la  felicite  qui  nous  est  mise  au  devant.  Oar  il  est  dit,  Bien-heureux  sont  ceux  qui  cheminent  droitement.  Voyla  quant  au  premier  article.  Le  second  est,  que  les  hommes  se  pourront  forger  beaucoup  de  moyens  et  de  facons  de  vivre,  et  cuideront  aller  le  mieux  qu'on  scauroit  penser,  et  cependant  ils  se  trompent,  veu  qu'il  n'y  a  qu'un  seul  chemin  qui  nous  conduise  a  salut.  Quel  estil?  Non  pas  celuy  que  les  hommes  ont  imagine:  car  quand  Esaie  dit,  que  chacun  a  decline  en  sa  voye,  il  entend  que  tous  sont  allez  en  perdition.  La  Loy  de  Dieu  donc  est  le  chemin  pour  regler  nostre  vie,  et  quand  nous  entendrons  a  icelle,  tout  ira  bien:  mais  quiconque  en  decline,  cestuy-la  est  une  beste  esgaree,  qui  ne  fera  que  courir  a  travers  champs.  Nous  pourrons  bien  avoir  des  mouvemens  qui  nous  sembleront  bons,  ainsi  qu'on  voit  les  povres  incredules,  qui  seront  bien  fervents  a  faire  cecy  ou  cela,  selon  qu'ils  le  trouvent  bon:  mais  cependant  l'Esprit  de  Dieu  n'est  pas  leur  conducteur.  Or  il  est  prononce,  que  quand  nous  aurons  la  Loy  de  Dieu,  nous  irons  bien,  et  que  sans  cela  il  faut  que  toute  nostre  vie  soit  confuse.  Il  adiouste  puis  apres,  Bien-heureux  sont  ceux  qui  gardent  les  tesmoignages  de  Dieu,  et  le  cerchent  en  tout  leur  coeur.  David  use  maintenant  d'un  autre  mot  que  celuy  de  la  Loy,  c'est  ascavoir,  Tesmoignage.  Or  le  mot  en  soy  emporte  convenance  ou  contract,