9:483  483  DE  YERA  PARTICIPATIONE  484  autem  quaero,  reosne  oblati  corporis  an  recepti  faciat.  Certe  de  receptione  nulla  est  syllaba.  Fateor  eos  signi  participatione  afficere  contumelia  Christi  corpus:  quia  inaestimabile  illud  bonum  quod  sibi  offertur,  respuunt.  Ita  solvitur  baec  Heshusii  obiectio:  Paulum  non  de  generali  reatu  disserere,  quo  constricti  sunt  omnes  impii,  sed  docere,  ipsa  sumptione  corporis  impios  accersere  sibi  gravius  iudicium.  Recte  enim  convenit,  contumeliosos  esse  in  carnem  Christi,  qui  scelerato  fastidio  et  contemptu  eam  reiiciunt,  dum  in  cibum  proponitur.  Christum  enim  tam  reprobis  quam  fidelibus  corpus  suum  in  coena  porrigere  sic  asserimus,  ut  quicunque  sacramentum  indigna  sumptione  profanant,  nihil  tamen  mutent  ex  eius  natura,  nec  quidquam  derogent  promissionis  effectui  :  sed  quamvis  sui  similis  maneat  Christus,  [pag.  37]  et  verax  in  suis  promissis,  non  tamen  sequitur,  quod  datur,  omnes  promiscue  accipere.  Amplificat  Heshusius:  quia  non  loquatur  Paulus  de  exigua  culpa.  Nec  certe  leve  delictum  notat  apostolus,  qui  dicit  impios,  etiam  si  ad  coenam  non  accedant,  rursus  in  se  ipsis  crucifigere  filium  Dei,  et  ludibrio  habere,  pedibusque  calcare  sacrum  eius  sanguinem  (Heb.  6,  6  et  10,  29).  Neque  tamen  necesse  est  eos  Christum  vorare.  Vident  lectores  an  me,  sicuti  garrit  Heshusius,  mirifice  torqueam,  ac  lucis  odio  fingam  mihi  tenebras,  quum  dico  reos  esse  carnis  et  sanguinis  Christi  qui  utrumque  donum  repudiant,  ad  cuius  perceptionem  aeterna  veritas  illos  invitat.  Sed  excipit:  Hoc  sophisma  quasi  telam  araneae  Pauli  verbis  rumpi,  quum  dicit  eos  comedere  et  bibere  sibi  iudicium.  Quasi  vero  non  etiam  sub  lege  increduli  iudicium  sibi  comederent,  si  impuri  .et  polluti  ad  esum  agni  paschalis  irrumperent.  Et  tamen  suo  more  Heshusius  patere  iactat  corpus  Christi  sumi  ab  impiis.  Quanto  istud  Augustini  rectius,  multos  in  turba  Christum  premere,  qui  tamen  eum  non  tangunt!  Insistit  adhuc,  et  evidentissimum  esse  clamat  illud  Pauli  dictum:  Impios  non  discernere  corpus  Christi:  ut  violenter  ac  de  industria  obscurent  clarissimam  veritatem  quicunque  non  fatentur  sumi  etiam  ab  indignis  Christi  corpus.  Aliquid  haberet  coloris,  si  negarem  indignis  corpus  Christi  dari,  sed  quum  impie  reiiciant  quod  liberaliter  ipsis  porrigitur,  merito  profani  et  bruti  contemptus  damnantur:  quia  victimam,  qua  expiata  sunt  mundi  peccata,  et  homines  Deo  reconciliati,  pro  nihilo  ducunt.  Observent  interea  lectores  quam  repente  incaluerit  Heshusius,  qui  nuper  praefatus  [pag.  38]  rem  esse  dignam  de  qua  pii  et  docti  homines  inter  se  conferant,  proximo  versu  atrociter  excandescit  si  quis  dubitare  vel  inquirere  audeat.  Eodem  iure  nobis  irascitur,  quia  non  a  ministro,  sed  a  Christo  conferri  praestarique  asserimus  quod  panis  figurat.  Cur  non  potius  Augustino  et  Chrysostomo  irascitur?  quorum  alter  docet  sacramentum  ministrari