40:483  483  PRAELECTIONES  484  facilis  est,  quamvis  homines  non  sint  praediti  virtute  praestandae  legis,  tamen  nihil  decedere  propterea  Dei  bonitati.  Defectus  enim  hominum  minime  impedit  quominus  suam  aestimationem  retineat  tam  liberalis  eius  promissio:  transigit  Deus  cum  hominibus:  poterat,  quemadmodum  dictum  fuit,  imperiose  iubere  quidquid  placeret,  exigere  etiam  summo  rigore:  sed  transigit  ex  compacto,  et  ita  mutua  quaedam  est  obligatio  inter  ipsum  et  populum.  Nemo  certe  negabit  quin  Deus  specimen  minime  spernendum  hic  exhibeat  suae  misericordiae,  quum  ita  dignatur  familiariter  pacisci  cum  hominibus.  Ho  sed  frustra  id  totum  fit:  evanescit  Dei  promissio,  quia  nemo  est  qui  ad  legem  servandam  sit  idoneus,  fateor:  sed  defectus  hominum,  quemadmodum  dixi,  non  potest  abolere  gloriam  bonitatis  Dei,  quin  semper  fixum  illud  maneat,  Deum  plus  quam  liberaliter  egisse  quum  ita  pacisci  voluit  cum  suo  populo.  Res  igitur  simpliciter  et  per  se  consideranda  nobis  est.  Iam  defectus  hominum  est  aliquid  accidentale.  Ergo  semper  illud  integrum  manebit,  quod  scilicet  Deus  ediderit  memorabile  documentum  suae  bonitatis,  quum  promisit  vitam  omnibus  qui  legem  servarent.  Iam  sequitur,  12.  Atque  etiam  sdbhata  mea  dedi  ipsis,  ut  essent  in  signum  inter  me  et  ipsos,  ut  cognoscerent  quod  ego  sim  (vel  ego  sum)  Iehovah  j  qui  ipsos  sanctifico.  Praeter  legem  hic  Deus  sabbata  sua  commendat  :  et  tamen  scimus  fuisse  duntaxat  partem  legis  :  imo  si  quis  conferat  singula  praecepta,  reperiet  primo  intuitu  plus  ponderis  in  aliis,  quam  in  quarto.  Nam  quid  continet  illud  praeceptum,  Ne  habeas  Deos  alienos?  Neque  tibi  fabrices  idola?  postea,  Ne  sumas  nomen  Dei  tui  in  vanum?  Respondeo,  prophetam  sumere  unum  legis  praeceptum,  quo  melius  explicet  quod  iam  ante  attigimus,  nempe  legem  datam  fuisse  Israelitis,  ut  magis  ac  magis  suo  liberatori  obstringerentur.  Noluit  enim  Deus  ipsos  abiicere  postquam  redemerat:  sed  lege  sua  testatus  est  se  illis  fore  totius  vitae  ducem.  Quanquam  altius  respexit  propheta,  nempe  legem  non  tantum  constare  praeceptis,  sed  simul  comprehendere  gratiam  Dei,  ex  qua  pendebat  gentis  illius  adoptio.  Nam  si  Deus  simpliciter  hoc  vel  illud  iuberet,  non  ita  promptum  esset,  gustum  bonitatis  eius  percipere:  quare?  ubi  enim  nos  ad  officium  praestandum  vocat,  nemo  est  qui  non  sentiat  plus  oneris  sibi  imponi  quam  ferre  possit.  Etiamsi  dulcedine  sua  nos  alliciat  illa  promissio,  Qui  fecerit  ea  vivet  in  ipsis,  tandem  deficimus  ubi  experti  sumus  nos  destitui  omni  virtute.  Sed  in  sabbato  propheta  significat  aliud  fuisse  reputandum,  nempe  ut  agnoscerent  Israelitae  se  a  Deo  fuisse  segregatos  ut  illum