37:483  483  PRAELECTIONES  484  coelestis  doctrina.  Quamvis  enim  sit  odor  mortis  in  mortem  omnibus  qui  pereunt:  est  tamen  odor  vitae  in  vitam  electis  Dei.  Saepe  quidem  continget  ut  maior  turba  convertat  in  suam  perniciem  salutiferam  doctrinam:  sed  Deus  tamen  nunquam  sinet  omnes  perire.  Faciet  igitur,  ut  doctrina  ipsa  sit  incorruptibile  semen  in  vitam  suis  electis:  deinde,  ut  ipsos  aedificet  in  templa.  Hoc  tenendum  est.  Atque  ita  non  est  cur  odiosa  sit  nobis  doctrina  Dei,  quamvis  multis  cedat  in  exitium,  quoniam  electis  semper  afferet  salutem,  quoniam  ipsos  plantabit,  ut  radices  agant  in  spem  beatae  immortalitatis:  deinde  ipsos  etiam  eriget  in  sacra  templa  Deo.  Nunc  sequitur,  11.  Et  (hoc  est,  postea)  factus  est  sermo  Iehovae  ad  me  (datus  est  mihi,  fuit,  ad  verbum)  dicendo,  Quid  tu  vides,  Ieremia?  Et  dixi,  Iaculum  vigilis  (aut  amygdali)  ego  video.  12.  Et  dixit  Iehovah  ad  me,  lene  fecisti  ad  videndum  (hoc  est,  recte  vidisti)  quia  vigilo  (aut  festino:  vigilans  ego,  ad  verbum)  super  sermonem  meum  ut  ipsum  faciam  (hoc  est,  ut  compleam).  Confirmat  hoc  loco  Deus  quod  prius  dixerat  de  potestate  verbi  sui.  Exegetice  ergo  sumendi  sunt  hi  duo  versus,  quia  nihil  novum  hic  docetur,  sed  tantum  confirmatur  superior  sententia,  quod  scilicet  non  frustra  loquentur  prophetae,  neque  futiliter,  quoniam  instructi  sunt  coelesti  potentia,  ut  plantent,  aedificent:  et  ab  adversa  parte  diruant  et  evellant  j  quemadmodum  citavimus  ex  Paulo,  veros  doctores  esse  armatos  tali  potentia.  In  promptu,  inquit,  nobis  vindicta  est  contra  omnes  incredulos,  quantumvis  superbiant,  etiam  si  ipsorum  altitudo  territet  totum  mundum,  tamen  in  manu  nobis  est  gladius  qui  ipsos  conficiat,  quia  sermo  Dei  satis  in  se  habet  efficaciae  ad  perdendos  rebelles.  Prosequitur  ergo  hanc  sententiam  Deus,  quum  dicit,  Quid  tu  vides,  Ieremia?  Proposuerat  baculum,  aut  virgam  amygdali,  ut  quidam  vertunt,  et  "ipt��>  significat  amygdalum:  sed  quia  deducitur  a  verbo  ipt��>  quod  est  vigilare,  aut  festinare,  non  possumus  apte  vertere  amygdalum  hoc  loco.  Neque  tamen  repugno,  quin  vox  hebraica  hoc  significet.  Nam  hic  scribitur  per  Chames,  participium  Ipl^,  quod  paulo  post  subiicitur  per  Holem.  Sed  videmus  quam  affines  sint  inter  se  duae  istae  voces:  iptP,  deinde  ipw  amygdalus,  quemadmodum  dixi,  sumit  originem  a  verbo  illo  ipttf  quod  est  vigilare:  et  existimant  sic  vocatam  fuisse  illam  arborem,  quoniam  fructum  suum  maturius  profert,  quam  omnes  reliquae  arbores.  Florent  enim  amygdali,  ut  satis  notum  est,  etiam  hyeme,  et  inter  maxima  frigora.  Nunc  si  latine  dicamus,  video  virgam,  aut  baculum  amygdali,  et  respondeat  Deus,  bene  vidisti,  quia  ego  vigilo,