9:482  et  ecclesiae  veteris  8)  sacramenta:  sed  deprehendent  furem  Heshusium  ἐπ΄  αὐτοφώρῳ,  [pag.  35]  nisi  quod  homo  imperitus  putat  veteribus  nihil  datum  fuisse  praeter  typos.  Quasi  Deus  inanibus  figuris  luserit  patres  :  quasi  etiam  nugatorium  sit  quod  docet  Paulus,  eundem  nobiscum  spiritualem  cibum  comedisse,  et  eundem  bibisse  spiritualem  potum  (1.  Cor.  10,  3).  Concludit  tandem  :  Nisi  substantialiter  detur  sanguis  Christi  in  coena,  absurdum  est,  et  contra  sacras  literas,  tribuere  vino  appellationem  novi  testamenti:  ergo  necesse  est  unam  esse  spiritualem  et  metaphoricam  manducationem,  quae  communis  fuit  patribus,  alteram  corporalem,  quae  nobis  propria  est.  Mihi  satis  esset  negare  consequentiam,  quae  risum  vel  pueris  moveret:  sed  quam  prosana  est  haec  garrulitas,  quod  spirituale  est  contemptim  vocare  metaphoricum?  Ac  si  grammaticis  subiiceret  mysticam  et  incomprehensibilem  spiritus  virtutem.  Porro  ne  causetur  sibi  non  fuisse  omni  ex  parte  responsum,  cogor  saepius  idem  repetere:  Quum  verax  ab  initio  Deus  fuerit,  non  fallaces  fuisse  figuras,  quibus  veteri  populo  salutem  et  vitam  in  filio  suo  unigenito  promisit:  nunc  vero  palam  in  Christo  nobis  repraesentare  quae  tunc  quasi  procul  ostendit.  Ergo  non  solum  uberius  et  luculentius  Christum  nobis  proponunt  baptismus  et  coena,  quam  ritus  legales,  sed  quasi  praesentem  exhibent.  Qua  ratione  docet  Paulus  (Col.  2,  18)  nunc  corpus  nos  habere  pro  umbris:  non  tantum  quia  semel  manifestatus  est  Christus,  sed  quia  coena  et  baptismo  quasi  certis  pignoribus  se  nobis  praesentem  confirmat.  Hinc  magnum  apparet  discrimen  inter  nostra  et  veteris  populi  sacramenta  :  quod  tamen  illos  minime  spoliat  earum  rerum  veritate  quas  plenius,  luculentius  et  perfectius  hodie  Christus,  prout  fert  eius  [pag  36]  praesentia,  exhibet.  Quod  tam  acriter  et  obstinate  urget:  Indignos  comedere  Christi  corpus,  tanquam  refutatione  indignum  omitterem,  nisi  quod  summum  causae  suae  praesidium  in  hac  parte  locat.  Rem  dicit  gravem,  esse  et  dignam  de  qua  pii  et  docti  homines  inter  sc  conferant.  Hoc  si  concedo:  cur  hactenus  a  toto  illorum  sodalitio  impetrari  non  potuit,  ut  placide  agitaretur  haec  quaestio?  Et  sane  si  disceptatio  admittitur,  nihil  erit  in  re  expedienda  negotii.  Haec  sunt  Heshusii  argumenta:  Paulus  non  articulo  tantum,  sed  pronomine  demonstrativo,  panem  hunc  benedictum  a  communi  discernit.  Quasi  vero  non  satis  hoc  idem  discernant,  qui  sacrum  vocant  et  spiritualem  epulum,  pignus  et  tesseram  nostrae  cum.  Christo  unitatis.  Secundum:  Manifestius  asserit  Paulus  indignos  comedere  Christi  carnem,  quum  dicit  reos  fieri  corporis  et  sanguinis  Christi.  Ego  1)  Sic  libri  latini,  scilicet  ad  gallicum  textum  emendandi:  entre  les  sacremens  de  l'ancienne  et  nouvelle  Eglise.  31