47:482  nous,  et  faudra  que  nous  trebuschions,  si  nous  voulons  avancer  pour  marcher  un  pas  sans  sa  conduite.  Et  toutesfois  si-est-ce  (comme  i'ay  desia  dit)  que  Dieu  ne  nous  a  point  tellement  destituez  que  nous  soyons  du  tout  abandonnez  de  luy,  tellement  qu'il  ne  nous  reste  rien  de  ses  dons.  Et  qu'ainsi  soit,  il  y  a  quelque  semence  de  religion  aux  hommes,  ils  ont  encores  quelques  reliques  de  leur  premiere  creation  :  comme  on  veoit  qu'encores  aux  plus  meschans  et  reprouvez  il  y  a  quelque  impression  de  l'image  de  Dieu:  Et  cela  est  pour  les  rendre  tant  plus  inexcusables:  car  d'autant  qu'ils  n'auront  point  fait  leur  profit,  leur  condamnation  en  sera  tant  plus  griefve:  et  faudra  qu'elle  redouble.  Voyla  donc  comment,  combien  que  nostre  nature  ait  este  ainsi  corrompue,  toutesfois  nous  retenons  encores  quelque  estincelle  de  la  grace  que  Dieu  avoit  mise  en  nostre  pere  Adam:  tellement  que  ceste  sentence  est  veritable,  que  la  lumiere  luit  en  tenebres.  Or  cependant  l'Evangeliste  dit  que  les  tenebres  ne  Vont  point  comprinse.  En  quoy  il  monstre  quelle  est  l'ingratitude  des  hommes.  Voyla  Dieu  qui  fait  luire  sa  clarte  en  nous,  sa  Parolle  y  reluit,  et  cependant  nous  offuscous  ceste  clarte-la  par  nostre  malice.  Il  est  vray  que  l'Evangile  mesme  nous  est  une  declaration  et  manifestation  de  ceste  lumiere:  mais  encores  la  malice  et  l'ingratitude  qui  est  en  nous  l'esteint  entant  qu'en  nous  est,  si  non  que  Dieu  y  remediast,  besongnant  par  une  puissance  et  bonte  infinie.  Voyla  ce  que  sainct  Iehan  a  voulu  monstrer  en  ce  lieu:  et  cependant  il  commence  a  nous  preparer  a  ce  qu'il  dira  ci  apres:  C'est  ascavoir  a  quelle  fin  ceste  Parolle  (qui  est  Iesus  Christ)  nous  est  envoyee  de  Dieu  son  Pere.  C'est  afin  qu'il  nous  fust  manifeste  en  chair  pour  nostre  salut.  Il  veut  donc  monstrer  quel  a  este  le  mystere  de  nostre  redemption,  et  quel  besoin  nous  en  avions,  en  disant  que  nous  n'avons  point  comprins  la  clarte  qui  estoit  en  nous:  comme  s'il  disoit,  II  ne  nous  eust  point  profite  d'avoir  la  clarte  qui  luit  en  nous,  si  quant  et  quant  nous  n'eussions  este  rachetez,  et  que  ceste  Parolle  n'eust  execute  l'amour  de  Dieu  envers  nous  pour  reparer  son  image  qui  avoit  este  effacee  par  nostre  peche,  et  toute  desfiguree  au  premier  homme.  Voyla  (di-ie)  comme  sainct  Iehan  nous  veut  preparer  a  cognoistre  l'effet  de  nostre  redemption.  Et  puis  il  nous  a  aussi  voulu  monstrer  comme  la  Parolle  de  Dieu  se  declare  en  ses  creatures,  entant  que  toutes  choses  sont  conservees  par  sa  vertu.  Et  cependant  il  nous  exhorte  a  cognoistre  les  graces  que  Dieu  nous  a  faites  plus  excellentes  qu'aux  autres  creatures,  afin  de  le  magnifier:  d'avantage  a  cognoistre  que  puis  qu'il  a  imprime  en  nous  son  image  vive  des  le  commencement,  et  qu'il  nous  fait  31