35:482  mensonge.  Youlons-nous  donc  avoir  une  intelligence  pure  et  claire,  afin  de  savoir  parler  des  oeuvres  de  Dieu?  que  nous  venions  a  son  escole:  que  nous  l'escoutions  parler:  que  nous  retenions  ce  qu'il  nous  dira:  et  que  nous  ayons  ceste  sobriete  sur  tout  de  n'appeter  point  de  plus  savoir  que  ce  qu'il  nous  monstre.  Quand  nous  aurons  cela,  nous  parlerons  droitement,  et  parlerons  pour  l'edification  de  nos  prochains,  tellement  qu'ils  en  seront  tousiours  confermez  de  plus  en  plus:  mais  si  nous  passons  les  bornes  que  Dieu  nous  a  mis,  et  que  nous  vueillions  nous  esgarer  plus  outre  qu'il  ne  nous  permet:  il  n'y  aura  plus  que  vanite  et  mensonge.  Voila  donc  ce  que  nous  avons  a  retenir  sur  ce  verset.  Et  pourtant  Iob  adiouste,  Vay  parle  et  n'enten"  doy  e  point:  ces  choses  ont  este  merveilleuses  sur  moi}  et  ne  les  ay  point  cognues.  C'est  pour  confermer  ce  que  nous  avons  maintenant  dit.  Iob  confesse  quHl  a  parle  sans  science.  Et  comment?  Pource  que  ie  ne  Ventendoye  point:  dit-il.  C'est  autant  comme  s'il  disoit,  Ie  me  suis  avance  trop  legerement.  Et  pourquoy?  Ces  choses  ont  este  merveilleuses  swr  moiy  et  ne  les  ay  point  cognues.  Or  ici  nous  avons  a  noter  pourquoy  Iob  dit  qu'il  a  este  ignorant:  c'est  pour  la  hautesse  des  secrets  dont  il  vouloit  parler.  Dieu  luy  faisoit  sentir  sa  main:  mais  il  ne  comprenoit  point  chose  pourquoy  il  deust  estre  ainsi  afflige:  et  sur  cela  ii  entre  en  des  tentations  profondes,  Qu'estceci  que  ie  soye  presse  iusques  au  bout?  et  Dieu  ne  se  contente  il  point  de  me  faire  perir?  Ie  voudroye  qu'il  m'eust  abysme:  il  me  fait  ici  languir.  Il  cognoist  qu'il  n'y  a  que  fragilite  en  moy,  que  ie%  suis  si  povre  creature:  pourquoy  donc  permet-il  que  ie  soye  si  long  temps  en  telle  extremite?  Quand  ie  seroye  le  plus  meschant  du  monde,  il  ne  me  sauroit  faire  pis:  et  toutes  fois  il  cognoist  que  ie  l'ay  servi  en  integrite,  et  que  ie  ne  suis  pas  tel,  que  ie  deusse  estre  ainsi  reprouve  des  hommes.  Voila  donc  les  disputes  de  Iob,  ou  il  est  entre.  Et  pourquoy?  Car  il  s'est  fourre  trop  avant  aux  conseils  de  Dieu.  Maintenant  pour  se  corriger  il  dit,  que  ces  choses  ont  este  admirables  par  dessus  luy.  Notons  bien  donc  quand  nous  venons  a  Dieu,  et  qu'il  est  question  de  parler  de  ses  oeuvres,  que  nous  devons  sentir  que  ce  sont  des  secrets  trop  hauts  pour  la  debilite  de  nostre  esprit.  Or  ie  di  qu'il  nous  faut  avoir  ceste  persuasion-la  tant  de  la  providence  de  Dieu  en  general,  que  de  ce  qui  appartient  a  son  royaume  spirituel.  Quand  donc  on  nous  dit  que  Dieu  dispose  toutes  choses,  et  que  rien  ne  se  fait  en  ce  monde  sans  sa  volonte:  voila  un  secret  qu?il  nous  faut  bien  noter.  Car  encores  qu'un  chacun  confesse,  que  Dieu  est  maistre  pour  gouverner:  toutes  fois  quand  nous  venons  iusques  la,  que  les  choses  estant  confuses  et  troublees  comme  on  les  voit,  ne  laissent  point  d'estre  con-  31