32:482  de  chacun  Huictain  se  commencassent  par  une  letre  selon  l'ordre  de  l'A  B  c.  Comme  s'il  estoit  dit,  qu'il  ne  faut  point  que  nous  soyons  grans  clercs,  pour  estre  instruits  en  ce  qui  est  necessaire  pour  nostre  salut:  mais  qu'il  y  a  une  doctrine  commune  et  pour  les  grans,  et  pour  les  petis.  Les  hommes  ont-ils  courte  memoire?  qu'ils  content  par  leurs  doigts.  Quand  ils  scauront  leur  A  B  c,  qu'ils  mettent  huit  vers  ensemble,  et  huit  par  huit,  et  qu'ils  pour  suyvent  TA  b  c,  et  ils  auront  le  Pseaume  entierement.  Que  voulons-nous  dire  la  dessus?  si  nous  n'en  faisons  nostre  profit,  et  que  nous  ne  daignions  pas  prester  l'aureille  a  nostre  Dieu,  pour  souffrir  d'estre  conduits  par  luy  si  privement,  voire  a  ce  qui  nous  est  plus  que  necessaire,  ne  faut-il  pas  dire  que  nous  soyons  plus  que  malheureux?  Or  est-il  vray  qu'en  la  langue  Francoise  ne  Latine,  les  vers  ne  se  commencent  pas  par  ces  lettres-la:  mais  en  la  langue  Hebraique  en  laquelle  David  a  compose  ce  Pseaume.  Tant  y  a  neantmoins  que  Dieu  nous  a  voulu  faire  sentir  ce  que  i'ay  desia  monstre,  c'est  ascavoir  que  ceste  doctrine  qui  est  yci  contenue,  n'est  pas  seulement  pour  les  grans  clercs  qui  auront  este  dix  ou  vingt  ans  a  l'escole,  mais  pour  les  plus  idiots  :  afin  que  nul  ne  pretende  excuse  d'ignorance.  Or  notons  suyvant  cela,  que  ce  Pseaume  nous  doit  estre  cognu  a  tous  comme  le  Pater,  ainsi  qu'on  dit.  Il  ne  faut  point  donc  maintenant  alleguer  comme  font  beaucoup  de  gens,  qu'ils  n'ont  pas  un  esprit  si  haut  ne  subtil,  pour  comprendre  la  doctrine  de  Dieu:  et  puis,  qu'ils  n'ont  pas  si  bonne  memoire,  que  pour  retenir  ce  qu'une  fois  on  leur  aura  monstre.  On  scaura  bien  retenir  des  chansons  non  seulement  vaines  et  frivoles,  mais  dissolues,  et  qui  ne  feront  que  corrompre  et  empoisonner  les  bonnes  moeurs,  comme  sainct  Paul  dit,  que  ceste  peste-la  est  tousiours  enclose  aux  mauvais  propos.  Qu'on  ait  donc  ouy  une  chanson  vilaine,  31