9:481  481  CHRISTI  IN  COENA.  482  ducatio,  pridem  a  me  fideliter  expositum  fuit  :  nempe  quia  alii  virtutem  sacramenti  percipiunt,  alii  tantum  visibile  sacramentum,  aliud  autem  sit  intus  sumere,  aliud  foris,  aliud  corde  manducare,  aliud  dente  premere.  Ubi  tandem  concludit,  sacramentum  quod  in  mensa  dominica  proponitur,  sumi  quibusdam  ad  exitium,  aliis  ad  vitam:  rem  ipsam,  cuius  signum  est  coena,  omnibus  ad  vitam  cedere,  quicunque  fuerit  eius  particeps.  Alibi  quoque  hanc  quaestionem  ex  professo  edisserens  diserte  refellit  eos  qui  fingebant  impios  non  sacramento  tantum,  sed  re  ipsa  comedere  Christi  corpus.  Atque  ut  nos  sancto  viro  simpliciter  subscribere  constet,  dicimus  vero  aut  re  ipsa  comedere  Christi  corpus  qui  fide  cum  ipso  coalescunt  ut  sint  eius  membra:  sacramento  tenus  comedere,  qui  nihil  praeter  signaculum  visibile  accipiunt.  Sic  enim  saepe  ad  verbum  ille  1).  Quando  autem  cogit  nos  sua  importunitate  Heshusius  toties  idem  repetere,  [pag.  34]  prodeat  in  medium  illud  Augustini,  Iudam  comedisse  panem  Domini  contra  Dominum,  alios  vero  discipulos  comedisse  panem  Dominum.  2)  Certe  pius  ille  doctor  nusquam  trimembrem  partitionem  asserit.  Quid  de  ipso  uno  loquor?  Nemo  veterum  aliud  nos  recipere  in  coena  docuit  quam  quod  nobis  manet  post  usum  coenae.  Clamabit  Heshusius  coenam  igitur  inutilem  nobis  esse.  Haec  enim  sunt  eius  verba:  Cur  Christus  novo  mandato  iubet  in  coena  edi  corpus  suum,  et  quidem  dato  pane:  quando  non  solum  ipse,  sed  prophetae  omnes  hoc  urgent,  ut  per  fidem  carne  Christi  vescamur?  Nihil  igitur  novi  mandat  in  coena?  Ego  autem  vicissim  interrogo,  cur  Deus  olim  et  circumcisionem,  et  sacrificia,  et  omnia  fidei  exercitia  praeceperit:  cur  etiam  baptismum  instituerit?  Ut  nihil  respondeat,  plane  liquida  est  solutio:  Deum  non  plus  dare  vigilibus  symbolis  quam  verbo,  sed  aliter:  quia  nostra  imbecillitas  pluribus  adminiculis  indiget.  Quaerit:  quaenam  erit  ista  improprietas  verborum:  Hic  calix  novum  testamentum  est  in  sanguine  meo,  nisi  totus  sit  corporalis?  Pridem  ab  omnibus  nobis  responsum  est:  Quod  extra  coenam  per  evangelium  nobis  offertur,  in  coena  nobis  obsignari:  itaque  Christi  communicationem  non  minus  vere  nobis  conferri  per  evangelium  quam  per  coenam.  Quaerit  quomodo  coena  nominetur  novi  testamenti,  si  in  ea  typi  duntaxat  exhibentur,  ut  in  veteri  testamento?  Primum  lectores  rogatos  velim,  ut  tam  putidis  naeniis  opponant  quae  luculenter  in  meis  omnibus  scriptis  tradidi.  Illic  non  modo  reperient  quod  observari  debet  discrimen  inter  novae  1)  Libr.  de  civitate  Dei  21.  cap.  25.  Contra  Faustum  lib.  13.  cap.  16.  Saepius  vero  in  6.  cap.  Ioann.  a  tractatu  25.  usque  ad  27.  2)  Tract  59  in  Ioann.  Calvini  opera.  Vol  IX.