5:481  CONSILIUM  PAULI  III.  firmatae  sunt,  requirunt,  ne  quis  ex  ordinibus  imperii  alteri  bellum  inferat  causa  religionis,  et  ne  electori  Saxoniae  eique  in  hae  causa  coniunctis,  lites  ob  negotia  religionis  in  iudiciis  imperii  moveantur,  aut  iam  motae  iudicentur.  Et  si  quid  in  his  causis  contra  illos  iudicatum  fuerit,  per  imperatorem  abrogetur  irritumque  fiat.  Haec  protestantes  quidem  diligenter  observarunt,  nemini  enim  statuum  arma  religionis  causa  intulerunt,  aut  ullam  vim  fecerunt.  In  suis  modo  ditionibus  reformationem  ecclesiarum  instituerunt,  id  quod  et  Schvinfurti  et  Nurnbergae  sibi  diserte  liberum  reservarunt.  At  iudicium  camerae  eas  inducias  multis  modis  violavit,  iudicando  contra  electorem  Saxoniae  aliosque  religionis  societate  ei  coniunctos.  Oonfoederatio  quidem  protestantium  aucta  est  accessione  principum  et  civitatum,  sed  id  nequaquam  contra  pacta  aut  pacem  Germaniae  vel  iusiurandum,  nec  enim  vel  Schvinfurti,  vel  Nurnbergae  hoc  ab  ipsis,  quanquam  id  diu  utrobique  flagitatum  sit,  extorqueri  potuit,  quin  si  qui  postea  ad  suam  religionem  essent  accessuri,  eos  in  foedus  suum  reciperent,  communemque  causam  in  illis  quoque  pro  sua  portione  defenderent.  Ex  quibus,  ne  longiores  simus,  [fol.  20]  facile  con-  Hei  potest,  quae  spes  futurae  pacis  sit  habenda;  durante  enim  pace,  tum  literis,  tum  minis,  tum  practicis,  aliquos  quotidie  seducunt  ex  omni  hominum  genere.  Non  minis,  non  practicis  illicitis,  quod  non  minus  est  illis  inusitatum  quam  Romanensibus  familiare,  sed  piis  persuasionibus  et  hortationibus  protestantes  velint,  si  Dominus  det,  non  Germanos  modo,  sua  membra,  suam  carnem  et  sanguinem,  si  totum  *)  etiam  orbem  ad  consortium  verae  et  unicae  religionis  Christi  permovere.  Ut  non  facile  sit,  ubi  religio  refrixerit,  revocare  homines  a  duriori  ad  molliorem,  a  continenti  ad  voluptuosam,  ex  obedientia  ad  libertatem.  Ultra  Sauromatas  fugere  hinc  libet.  Quis  enim  in  tanta  impudentia  stomachum  teneat?  ubi  pietatem  refrixisse  flebiliter  deplorant,  qui  quum  ipsi  nullum  prorsus  habeant  Dei  sensum,  et  totam  religionis  doctrinam,  et  quidquid  populum  in  Dei  timore  continere  poterat,  e  mundo  quoad  in  ipsis  fuit  profligarunt.  Unde  enim  ista,  quam  pii  omnes  non  sine  magno  gemitu  cernunt,  religionis  dissolutio?  unde  contemptus  Dei?  unde  sacrorum  omnium  neglectus?  nisi  quod  Romanensium  partim  socordia  et  ignavia,  1)  Sic  quidem  expressum  legitur,  nobis  tamen  scribendum  videtur:  sed  totum.  Calvini  opera.  Vol.  V.