47:481  481  DE  LA  DIVINITE  DE  CHRIST.  482  voyons  comme  sa  face.  Non  point  que  ce  soit  sa  face,  pour  le  contempler  en  perfection.  Ie  ne  I'enten  pas  ainsi:  car  ie^ne  parle  pas  des  choses  divines,  mais  seulement  de  ce  que  Dieu  *feut  estre  ��ognu  en  ce  monde  haut  et  bas.  Voyla  donc  la  somme  de  ce  que  S.  Iehan  dit,  que  la  vie  estoit  la  lumiere  des  hommes.  Comme  s'il  disoit,  II  est  vray  qu'il  y  a  bien  une  vie  qui  a  este  espandue  par  toutes  creatures.  Et  quelle?  Comme  toutes  choses  sont  faites  et  conservees  par  la  Parolle  de  Dieu.  Mais  cependant  il  y  a  une  chose  plus  excellente  es  hommes:  ascavoir  Pame,  l'intelligence  et  la  raison:  car  un  homme  ne  sera  point  insensible  comme  les  pierres:  il  ne  sera  point  sans  sens  et  raison  comme  les  bestes:  mais  il  ha  une  vie  plus  excellente,  pour  contempler  les  choses  qui  sont  outre  le  monde.  Or  ii  adiouste  consequemment.  Que  la  lumiere  luit  es  tenebres,  et  que  les  tenebres  ne  Vont  pas  comprinse.  Il  met  cep  notamment,  pour  ce  que  la  clarte  que  Dieu  avoit  mise  en  l'homme,  est  quasi  du  tout  esteinte.  Et  de  faict,  si  nous  iugeons  selon  que  nous  pouvons  maintenant  veoir  aux  hommes  mortels,  nous  n'estimerons  pas  beaucoup  la  grace  de  Dieu.  Car  combien  que  l'homme  ait  este  cree  a  l'image  de  Dieu,  si  est-ce  qu'il  a  este  desfiguro  par  le  peche.  Qu'est-ce  donc  que  nous  voyons  aux  hommes?  Nous  y  voyons  une  image  de  Dieu  laquelle  est  toute  difforme  et  gastee,  d'autant  que  le  diable  l'a  souillee  par  le  peche.  Mais  combien  que  les  hommes  suyvans  ce  que  Satan  suggeroit,  ayent  esteint  la  clarte  de  Dieu,  si  est-ce  toutesfois  que  le  diable  n'a  pu  tant  faire  par  son  astuce,  que  ceste  clarte  de  Dieu  ne  luise  encores  au  milieu  des  tenebres.  Et  c'est  ce  que  S.  Iehan  veut  monstrer:  comme  s'il  disoit,  II  est  vray,  mes  enfans,  que  si  cela  qui  a  este  premierement  donne  aux  hommes  leur  fust  demeure,  nous  ne  verrions  maintenant  que  la  gloire  de  Dieu  reluire  partout,  en  lieu  que  nous  voyons  que  son  image  y  est  ainsi  desfiguree.  Si  est-ce  toutesfois  qu'encores  appercoit-on  la  quelque  clarte  que  Dieu  y  a  laissee,  et  quelque  estincelle  de  sa  lumiere.  Voyla  ce  que  l'Evangeliste  a  voulu  signifier.  Ie  laisse  les  autres  choses,  pource  que  le  temps  ne  porte  point  que  nous  en  disions  d'avantage,  et  que  desia  i'ay  este  trop  prolixe.  Toutesfois  il  nous  faut  noter  que  les  hommes  ont  assez  de  clarte  de  la  cognoissance  de  Dieu  pour  estre  convaincus  et  rendus  inexcusables  devant  Dieu.  Faisons  nous  a  croire  ce  que  nous  voudrons:  mais  voyla  Dieu  qui  prononce  que  nous  sommes  tenebres.  Et  comment?  n'attribuons  point  cela  a  Dieu,  mais  a  nostre  vice.  Il  faut  donc  maintenant  que  Dieu  nous  illumine  de  sa  clarte,  autrement  il  n'y  a  que  tenebres  en  Calvini  opera.  Vol.  XLVII.