40:481  481  IN  EZECHIELIS  PROPH.  CAP.  XX.  482  10.  Et  eduxi  (eduxi  ergo)  eos  e  terra  Aegypti,  et  adduxi  in  desertum.  Postquam  docuit  Ezechiel  dignos  fuisse  Israelitas,  qui  perirent  in  Aegypto,  nisi  Deus  nomini  suo  potius  quam  ipsis  pepercisset,  iam  addit  hanc  fuisse  causam  exitus,  quod  scilicet  voluerit  gloriae  suae  consulere.  Hinc  ergo  colligimus,  Israelitas  falso  imaginatos  fuisse  ullam  aliam  causam  suae  liberationis,  quam  respectum  illum,  de  quo  nunc  propheta  loquitur.  Hoc  autem  plus  est  quam  si  simpliciter"  dixisset,  gratuita  Dei  misericordia  fuisse  ereptos  ex  tyrannide  Aegypti:  quia  potuit  Deus  gratis  manum  ipsis  porrigere  :  et  tamen  adduci  aliquo  humanitatis  et  clementiae  affectu,  ut  insontes  inique  afflictos  eriperet  ex  suis  miseriis:  sed  hic  excludit  etiam  quoad  ipsos  spectat  clementiam  Dei,  quia  indigni  erant  quos  Deus  respiceret.  Dixi  quidem  res  esse  coniunctas,  salutem  ecclesiae  et  Dei  gloriam:  sed  simul  admonui  considerandum  esse  prophetae  consilium,  quod  scilicet  velit  spoliare  superbum  illum  populum  omni  confidentia,  et  ostendere,  quantum  in  ipsis  fuit,  semper  suis  obstaculis  repulisse  Dei  gratiam,  nisi  ipse  pro  infatigabili  sua  bonitate  eorum  malitiam  superasset.  Sequitur,  11.  Et  dedi  illis  decreta  mea  (statuta),  et  iudicia  mea  patefeci  ipsis,  quae  qui  fecerit  homo  vivet  in  ipsis.  Hic  Deus  gratiam  suam  amplificat,  quod  legem  suam  dederit  Israelitis  ac  si  certam  vivendi  normam  illis  praescriberet.  Si  tantum  educti  fuissent  ex  Aegypto,  illud  quidem  iam  inaestimabile  erat  beneficium:  sed  Deus  multo  fuit  largior  quum  familiariter  illos  dignatus  est  regere  sua  doctrina,  ne  huc  et  illuc  errarent.  Nam  hoc  modo  testatus  est  se  illis  fore  in  Deum.  Adiungit  promissionem.  Nam  potuit  Deus  ex  quo  populum  sibi  acquisierat  praecise  iniungere  quidquid  vellet:  sed  sponte  se  per  modum  indulgentiae  eo  demisit,  ut  vitam  ipsis  promitteret.  Nunc  ergo  tenemus  quorsum  hic  fiat  promissionis  mentio.  Nam  Deus  pro  imperio  simpliciter  potuit  dicere,  hoc  placet,  quemadmodum  regum  mandata  sunt  monosyllaba,  ut  ille  inquit.  Quod  ergo  Deus  non  tantum  exegit  ab  Israelitis  quod  iure  poterat,  sed  annexa  promissione  ipsos  blande  quodammodo  illexit  ad  obediendi"  studium,  hoc  certe  plus  quam  paternae  indulgentiae  fuit.  Itaque  nunc  ingratitudinem  populi  hac  circumstantia  exaggerat,  quod  neque  imperio,  neque  blanditiis  adducere  potuerit  perversa  illa  et  praefracta  ingenia,  ut  iugum  subirent.  Dedi  ergo  ipsis  statuta  mea,  et  leges  meas:  postea,  quae  qui  fecerit  homo  vivet  in  ipsis.  Ita  breviter  admonet,  per  se  non  stetisse  ^quominus  modis  omnibus  felices  essent  Israelitae.  Calvini  opera.  Vol.  XL.