35:481  481  IOB  CHAP.  XLII.  482  iettissent  a  luy  en  tout  et  par  tout.  Quand  nous  aurons  cela  bien  resolu,  nous  aurons  beaucoup  profite  en  nostre  vie.  Or  il  s'ensuit  quant  et  quant.  Qui  est  celui  qui  cache  le  conseil  sans  science?  Dieu  avoit  auparavant  reproche  ceci  a  Iob.  Et  semble  bien  que  Iob  vueille  confesser  qu'ainsi  est:  c'est  assavoir  qu'il  a  enveloppe  la  sagesse  de  Dieu  en  ses  fols  propos:  car  si  nous  disputons  des  oeuvres  de  Dieu  selon  nostre  portee,  et  que  nous  en  vueillions  estre  iuges:  c'est  cacher  le  conseil,  c'est  le  barbouiller  (comme  on  dit)  voire  sans  science:  car  nous  voulons  estre  trop  sages,  parlans  ainsi  sans  avoir  este  enseignez.  Voila  donc  comme  nous  pourrions  prendre  ce  passage  pour  une  confession  de  ce  qui  avoit  este  reproche  a  Iob:  comme  s'il  disoit,  Helas  Seigneur,  c'est  a  bon  droit  que  tu  m'as  par  ci  devant  condamne,  de  ce  que  ie  vouloye  envelopper  ton  conseil  sans  savoir  ou  tendoyent  mes  propos  et  disputes.  Ie  say  maintenant  que  i'y  ay  follement  procede:  car  c'estoit  a  moy  d'accepter  simplement  ce  qu'il  te  plairoit  m'ordonner,  et  le  recevoir:  et  i'ay  voulu  ici  estre  maistre  sans  aller  a  l'escole.  Ainsi  donc,  Seigneur  ie  recognoy  que  c'est  a  bon  droit  que  tu  m'as  declare  ma  folie.  Or  quand  nous  le  prendrons  ainsi,  cependant  Iob  fait  une  confession  telle  qu'il  attribue  a  Dieu  un  conseil  avec  toute  science:  car  ici  il  y  a  comme  une  contrariete  entre  Dieu  et  les  hommes.  Dieu  aura  son  conseil  cache  :  mais  il  sait  pourquoy,  la  raison  luy  est  tousiours  toute  preste:  de  nostre  coste  quand  nous  voudrons  descouvrir  le  conseil  de  Dieu  plus  qu'il  ne  nous  est  licite,  nous  ne  faisons  que  l'entortiller  d'avantage:  et  tout  cela  se  fait  sans  science,  tellement  que  nous  monstrons  nostre  bestise  d'autant  plus  que  nous  voulons  estre  savans.  Ainsi  d'un  coste  apprenons  que  c'est  a  Dieu  de  se  reserver  son  conseil  sans  nous  le  declarer:  voire,  s'il  voit  que  cela  surmonte  nostre  petitesse.  Dieu  nous  revele  ce  qui  nous  est  bon  et  propre,  comme  il  a  este  declare  par  ci  devant:  mais  il  faut  qu'il  se  reserve  beaucoup  de  choses  obscures.  Pourquoy?  Car  nous  sommes  encores  trop  debiles  pour  monter  si  haut.  Voila  donc  Dieu  qui  cachera  le  conseil,  mais  c'est  avec  science:  car  de  luy  il  n'est  ignorant  de  rien,  et  ce  n'est  pas  qu'il  ne  nous  peust  monstrer  pourquoy  il  fait  ceci  et  cela:  voire,  si  nous  estions  assez  habiles  pour  comprendre  ce  qui  nous  est  maintenant  incomprehensible.  Or  de  nostre  part  quand  nous  voudrons  plus  savoir  qu'il  ne  nous  est  permis,  il  est  vray  que  nous  aurons  bien  quelque  subtilite  pour  causer  et  deviser  beaucoup:  mais  en  la  fin  nous  demeurerons  confus  en  nos  propos  :  et  d'autant  que  l'homme  mortel  s'efforcera  d'estre  sage  ne  suivant  point  la  parole  de  Dieu  il  monstrera  tousiours  sa  vanite,  combien  son  esprit  est  volage,  et  qu'il  n'y  a  que  Calvini  opera.  Vol.  XXXV.