25:481  481  COMMENTARIUS  IN  IOSUE  CAP.  VIII.  482  Quod  totus  populus  lapides  proiecit,  factum  est  in  signum  detestationis,  ac  si  testatum  facerent,  ab  eo  crimine  quod  ulciscebantur,  se  fuisse  remotos  et  adhuc  abhorrere.  Congeries  lapidum  partim  ad  posteros  monumentum  fuit,  partim  eo  spectavit,  ne  si  locus  esset  vacuus,  quispiam  inde  vel  per  imprudentiam  particulas  auri  vel  argenti  legeret.  Quamvis  enim  prius  iussisset  Deus  aurum  sibi  offerri,  noluit  tamen  furto  pollui  suum  sanctuarium.  CAPUT  VIII.  1.  Dixitque  Iehova  ad  Iosuam:  Ne  timeas,  nec  formides,  sume  tecum  omnem  populum  bellicosum  et  surge,  ascende  in  Ai.  Vide,  dedi  in  manu  tua  regem  Aij  ac  populum  eius,  urbem  eius,  et  terram  eius.  2.  Faciesque  Ai,  et  regi  eius,  quemadmodum  fecisti  Iericho  et  regi  eius:  tamen  spolia  eius,  et  animalia  eius  praedabimini  vobis.  Colloca  autem  insidias  urbi  a  tergo  eius.  3.  Surrexit  itaque  Iosue,  et  omnis  populus  bellicosus,  ut  ascenderent  in  Ai,  et  elegit  Iosue  triginta  millia  virorum  fortium  robore,  misitque  eos  nocte.  4.  Ac  praecepit  eis  dicendo:  Attendite  vos,  insidiabimini  urbi  a  tergo  eius,  nec  removeatis  vos  ab  ea  procul,  sed  estote  omnes  vos  parati.  5.  Et  ego  et  omnis  populus  qui  mecum  est  accedemus  ad  urbem:  quum  autem  egredientur  in  occursum  nostrum,  sicut  prius,  fugiemus  ante  eos:  6.  Tunc  egredientur  post  nos,  donec  avellamus  eos  ab  urbe:  dicent  enim:  Fugiunt  ante  nos,  ut  prius,  et  fugiemus  ante  eos.  7.  Vos  autem  surgetis  ex  insidiis,  et  expelletis  habitatores  urbis,  tradetque  eam  Iehova  Deus  vester  in  manu  vestra.  8.  Quum  ceperitis  urbem,  succendetis  eam  igni,  secundum  sermonem  Iehovae  facietis.  Videte,  praecepi  vobis.  9.  Misit  itaque  eos  Iosue,  et  perrexerunt  ad  insidias,  manseruntque  inter  Bethel  et  Ai,  ab  occidente  Ai.  Mansit  autem  Iosue  nocte  Uia  in  medio  populi.  10.  Postea  surrexit  Iosue  summo  mane,  recensuitque  populum  atque  ascendit  ipse  et  seniores  Israel  ante  populum  versus  Ai.  ll.  Omnisque  populus  bellicosus,  qui  erat  cum  eo  ascenderunt  et  appropinquarunt,  veneruntque  e  regione  urbis,  et  castrametati  sunt  ab  aquilone  Ai.  Vallis  autem  erat  inter  ipsum  et  Ai.  12.  Tulitque  praeterea  circiter  quinque  millia  virorum,  quos  locavit  in  insidiis  inter  Bethel  et  Ai  ab  occidente  urbi.  13.  Et  propius  accessit  populus  tota  castra  quae  erant  ab  aquilone  urbi,  et  insidiae  eius  ab  occidente  ipsi  urbi,  perrexitque  Iosue  nocte  illa  in  medium  vallis.  14.  Porro  quum  videret  rex  Ai,  festinaverunt  et  mane  surrexerunt,  atque  egressi  sunt  homines  urbis  in  occursum  Israel  ad  proelium,  ipse  et  universus  populus  eius  ad  tempus  constitutum  ante  campestria:  nesciebat  autem  quod  insidiae  sibi  essent  a  tergo  urbis.  15.  Et  profligati  sunt  Iosue,  et  universus  Israel  ante  eos,  et  Calvini  opera.  Vol.  XXV.