7:480  In  XVII.  Verba  Lucae  sunt  (Act.  13,  48):  Crediderunt  omnes  qui  praeordinati  erant  ad  vitam.  Unde  in  uno  auditorio  tale  exstiterit  discrimen,  ut  alii  crediderint,  alii  perstiterint  in  sua  obstinatione,  indicat:1)  similiter  Paulus  eos  vocari  asserit,  quos  ante  elegit  Deus  (Rom.  8,  29).  Annon  etiam  vocantur  reprobi?  Sed  non  efficaciter.  Hoc  enim  interest  in  Dei  vocatione,  quod  omnes  promiscue  invitat  verbo  suo:  electos  autem  solos  intus  docet.  Quemadmodum  ait  Christus:  Quidquid  mihi  dedit  pater,  ad  me  veniet  (Ioann.  6,  37).  Denique,  regenerationis  spiritum  non  dari  nisi  electis,  quisquis  ignorat,  nescio  quid  in  scripturis  teneat.  In  XVIII.  fpag.  238]  Si  perfecta  esset  regeneratio  in  hac  vita,  possibilis  esset  legis  observatio.  Sed  quum  fideles,  quamdiu  hic  vivunt,  medio  ex  stadio  ad  metam  aspirent,  magnisque  difficultatibus  anhelent:  ubi  reperietur,  quam  isti  somniant,  obedientiae  perfectio?  Sed  non  mirum  est,  de  rebus  ignotis  tam  audacter  eos  garrire:  Dulce  enim  bellum  inexpertis.  In  XIX.  Amen.  In  XX.  Sicuti  nemo  sanus  Dei  iugum  a  fidelium  humeris  excutiet,  quasi  non  debeant  mandata  eius  servare:  ita  sciendum  est,  a  mandatorum  observatione  nequaquam  pendere  salutis  fiduciam.  Stat  enim  semper  illud  Pauli,  in  eo  differre  a  lege  evangelium,  quia  non  sub  conditione  operum,  sicut  illa,  sed  ex  fide  vitam  promittat.  Quid  enim  illa  antithesi  clarius:  Legis  iustitia  talis  est:  qui  fecerit  haec,  vivet  in  ipsis:  at  quae  ex  fide  est  iustitia,  sic  habet:  qui  crediderit,  ete.  (Rom.  10,  5).  Eodem  et  alter  ille  locus  spectat:  Si  ex  lege  esset  haereditas,  exinanita  esset  fides,  et  abolita  promissio.  Ergo  ex  fide  est,  ut  secundum  gratiam  firma  sit  promissio  omni  credenti  (Rom.  4,  14).  De  legibus  ecclesiae  ipsi  viderint:  nos  unicum  agnoscimus  legislatorem  (Iac.  4,  12),  cuius  est  tradere  vitae  regulam,  sicuti  ab  eo  vitam  habemus.  In  XXI.  [pag.  239]  Neque  hoc  quisquam  dicit.  Sua  igitur  ipsorum  figmenta  anathematisant  patres:  nisi  forte  ideo  succenseant,  quod  Christum  negamus  legislatorem,  qui  novas  aliquas  leges  orbi  tradiderit.  Quod  ipsi  stulte  imaginantur:  neque  enim  vana  erat  illa  Moysi  testificatio,  legem  quam  tulerat,  viam  esse  vitae  et  mortis.  Item:  Haec  est  via:  ambulate  in  ea  (Deut.  30,  16.  19).  Nec  frustra,  1)  Add.  assavoir  que  la  foy  a  ensuivy  l'election  de  Dieu.