5:480  ubi  legibus  sit  interrogandi,  officiique  sui  rationem  redditurus?  Ergo  quoties  de  concilio  fit  mentio,  non  aliter  horret  H  atque  Dionysius  aliquis  aut  Phalaris,  ubi  est  a  populo  ad  libertatem  recuperandam  conclamatum.  Quid  enim  aliud  causae  est,  quod  toto  orbe  iam  pridem  maximis  plurimisque  de  causis  concilium  flagitante,  non  modo  nullum  ipse  serio  convocat,  sed  strenue  intercedit,  ubi  ecclesias  videt  convenire?  Et  quid  tandem  sibi  vult?  Nempe  ut  ecclesiae  scientes  et  videntes,  polluta  sua  sanctitate,  vexari,  violari,  affligi,  diripi  et  vastari  se  sinant,  taciteque  ac  sine  gemitu  ultimum  interitum  exspectent.  Quid  enim  aliud  est  quod  remedia  interdicit  divinitus  commendata,  et  a  sanctis  patribus  populoque  christiano  semper  adhibita,  donec  ea  ipse  concedat  et  admoveat,  qui  ex  direptione  vastationeque  ecclesiarum  regnat  ac  suaviter  delitiatur?  Ergo  ne  quid  depereat  romano  Sardanapalo,  quin  potestate  opibusque  ecclesiae  impune  ut  solitus  est  grassetur,  connivendum  est  piis  principibus,  dum  tot  animarum  millia,  pro  quarum  salute  sanguinem  suum  vitamque  profudit  Christus,  interire  cernant.  Ni  faciant,  defectionis  a  sede  romana  rei  agantur.  Quantum  vero  ad  pacem  Germaniae  attinet,  non  sine  aliquo  pudore  proferri  possunt,  quae  sequuntur.  Fuit  Schuinfurti  primum  de  pace  tractatum  et  conclusum.  Tot  mendacia  quot  verba.  Nihil  enim  Schuinfurti,  sed  Nurnbergae  primum  conclusum  de  induciis  hisce  fuit.  Deinde  factae  sunt  Nurnbergae  induciae  inter  utrumque  statum,  protestantium  scilicet  et  catholicorum,  addito  etiam  caesar  eo  ratisponensi  [fol.  19]  mandato  sub  poena  provincialis  pacis  et  banni  imperialis:  tamen  possunt  videre  maiestates  suae,  ubi  tot  convenerint  principes  subscripti  et  iurati,  ubi  tot  emanaverunt  mandata,  maiestatum  suarum  additis  gravissimis  poenis:  nihil  tamen  observatum  fuisse,  quin  imo  spretis  omnibus  induciae  illae  saepius  fuerunt  violatae,  et  partes  protestantium  novis  confoederationibus  contra  pacta  auctae,  accessione  nonnullorum  principum,  sicut  regis  Datiae,1)  ducis  Wirtenbergensis,  et  aliorum,  ac  nonnullarum  civitatum,  mutatione  facta  religionis  in  diversis  locis  ac  provinciis  contra  pacem  et  iusiurandum.  Hic  acervum  calumniarum  congerit  sanctissimus,  sed  quarum  vanitatem  refellere  nimis  promptum  est.  Induciae"  de  quibus  Schuinfurti  agitatum  est,  et  quae  Nurnbergae  primum  pactae,  demum  Ratisponae  con-  1)  Sic  legitur  in  textu  impresso,  sed  absque  dubio  Daniae  legendum.