9:48  Unde  etiam  emergit  alterum  dogma,  ore  impii  hominis  non  secus  ingurgitari*)  Cnristi  corpus  et  sanguinem  quam  panem  et  vinum.  Qui  fit  enim  ut  tam  pertinaciter  a  Iuda  non  minus  quam  a  Petro  sumptum  fuisse  Christi  corpus  affirmet,  nisi  quia  hominis  incredulitate  substantia  signi  non  mutatur?  Substantiam  porro  imaginantur,  quae  Dei  verbo  minime  consentanea  est,  ut  pani  Christus  carnem  suam  substantialiter  affigat.  Nam  quod  obtendunt,  absurdum  esse  si  ab  hominum  fide  pendeat  promissionum  Dei  veritas,  nullo  negotio  diluitur.  Diserte  enim  testamur  nullam  incredulitatem  obstare,  quin  suam  vim  et  naturam  retineat  sacra  Christi  institutio,  quin  offeratur  ac  detur  omnibus  caro  eius  in  spiritualem  cibum  et  in  potum  sanguis,  quin  panis  verum  sit  carnis  symbolum  et  vinum  sanguinis,  quin  stabile  ac  ratum  sit  quod  Christus  e  coelo  pronunciat,  corpus,  quod  semel  in  sacrificium  patri  obtulit,  nunc  hominibus  in  alimentum  offerre.  Si  hoc  beneficio  se  fraudant  impii,  facitque  eorum  incredulitas  ne  fruitio  ad  eos  usque  perveniat,  negamus  sacramento  propterea  quidquam  decedere  :  quia  integrum  manet.  Secundum  quaestionis  caput  non  ex  alio  fonte  oritur,  quam  ex  modo  communicationis,  quem  Westphalus  cum  corporis  Christi  immensitate  necessario  coniunctum  esse  putat:  nisi  coram  sistatur  Christi  corpus,  negat  vere  communicari.2)  Nos  contra  excipimus,  locorum  distantia  non  prohiberi  immensam  spiritus  virtutem,  quae  vitam  ex  Christi  carne  in  nos  transfundit,  [pag.  7]  Atque  hic  detegitur  eorum  improbitas,  qui  odiose  in  vulgus  spargunt,  nos  Christi  praesentiam  a  coena  tollere,  quia  Dei  potentiam  sensu  nostro  metimur.  Quasi  vero  huius  mysterii  sublimitas  humani  ingenii  captum  non  superet,  Christum,  licet  in  coelesti  gloria  maneat,  quoad  corporis  sui  situm,  arcana  tamen  spiritus  gratia  ad  nos  descendere,  ut  nos  sibi  unitos  vitae  suae  faciat  participes.  Quasi  minus  splendide  extollat  Dei  potentiam,  qui  vitam  ex  carne  Christi  in  nos  influere  docet,  quam  qui  e  coelo  eius  carnem  elicit,  ut  nobis  sit  vivifica.  Leviter  haec  nunc  delibo,  quae  fusius  et  uberius  reperietis  suis  locis  exposita.  Ac  ne  vos  a  libri  lectione  diutius  remorer,  de  ultimo  capite  iam  aliquid  attingam.  Nefas  existimat  quaerere  quo  sensu  panem  Christus  dixerit  corpus  suum,  quia  verborum  claritas  omnem  expositionem  respuit.  Nos  autem  ad  familiarem  tritumque  scripturae  morem  provocamus,  quae  rei  signatae  nomen,  quoties  de  sacramentis  agitur,  ad  signum  ipsum  transfert:  cuius  rei  exemplum  non  semel  aut  iterum  occurrit,  sed  apud  peritos  propter  suam  frequentiam  instar  est  communis  regulae.  Neque  tamen  inani  figura  pascimus  1)  gobe.  2)  m.  princeps  nescio  quo  pacto  exhibet:  comitari.