8:48  At  vero  non  abs  re  timent  ne,  si  incerti  quo  eundum  sit  flexibiles  se  praebeant,  sua  hac  facilitate  implicentur  errorum  laqueis.  Est  hoc  quidem  aliquid:  sed  eius  periculi  alia  melior  erat  cautio:  nempe,  ut  se  pia  humilitate,  modestia,  sobrietate,  reverentia,  Deo  subiicerent.  Neque  enim  frustra  promisit  Christus,  pulsantibus  ianuam  apertum  iri  (Matth.  7,  7).  Nec  frustra  spiritu  iudicii  et  discretionis  a  patre  donatus  est.  1)  Non  frustra  etiam  per  os  Iesaiae  promittit  Dominus  paedagogum  se  fore  populo  suo,  qui  ad  regendos  eius  gradus  a  tergo  praesto  sit  (Ies.  30,  21).  Denique  non  fallendi  nec  frustrandi  causa  viam  vitae  nobis  in  verbo  suo  monstrari  pronunciat.2)  Unde  apparet  bonam  hominum  partem  hoc  ipsum  ingeniose  appetere,  ut  contemptis  remediis  in  suo  malo  torpeat.  [pag.  59]  Quod  autem  multos  videmus  hoc  vel  illo  errore  captos  a  recta  via  abduci,  nunquam  nisi  iusta  Dei  vindicta  accidit.  Primum  vere  Augustinus  superbiam  nominat  haereseon  omnium  matrem:  nullus  enim  unquam  exstitit  erroris  magister,  quem  non  prava  ambitio  in  suum  praecipitium  extulerit.  Scimus  Deum  parvulis  fidum  esse  doctorem.  Scimus  Christum  humiles  ac  mansuetos  ad  se  vocare,  ut  eos  habeat  discipulos.  Proinde  qui  arrogantia  turgent,  eos  non  mirum  est  ab  hac  schola  pulsos  vagis  suis  speculationibus  sursum  ac  deorsum  raptari.  Quotquot  hac  nostra  aetate  a  pura  evangelii  doctrina  prolapsi  falsorum  dogmatum  coeperunt  esse  autores,  reperiemus  omnes  superbiae  morbo  correptos  ingenii  tormenta  sibi  et  aliis  fabricasse.  Pro  multis  unum  Serveti  exemplum  sufficiat.  3)  Is  enim  lusitanico  fastu  inflatus,  magis  etiamnum  propria  arrogantia  turgens,  hanc  sibi  comparandi  nominis  rationem  optimam  esse  statuit,  si  omnia  religionis  principia  convelleret.  Quidquid  ergo  de  tribus  in  Deo  personis  olim  ab  ipso  apostolorum  saeculo  traditum  a  patribus,  et  continua  aetatum  serie  ab  omnibus  piis  receptum  fuit,  non  modo  tanquam  insulsum  repudiat,  sed  plus  quam  atrocibus  conviciis  exagitat  ac  proscindit.  Iam  canina  illa  mordendi  latrandique  rabies,  quam  ebulliunt  omnes  scriptorum  eius  paginae,  satis  testatur,  qualis  hominem  spiritus  instiget.  Ad  rom  vero  si  venias,  clare  perspicies,  ieiuna  inanis  gloriae  siti  accensum  absurdissima  quaeque  deliria  cupide  hausisse,  quibus  se  inebriaret.  Sermonem  Dei  non  prius  fuisse  imaginatur,  quam  dum  Moises  Deum  in  mundi  creatione  loquentem  inducit.  Quasi  vero  tunc  demum  esse  coeperit,  quum  exseruit  tantam  1)  Add.  mais  a  fin  qu'il  nous  en  face  participans.  2)  Add.  car  quand  nous  cheminerons  selon  qu'il  nous  enseigne,  nous  serons  hors  des  dangers  d'erreur.  3)  II  y  ua  certain  Espagnol  nomme  Michel  Servet  qui  contrefait  le  medecin  se  nommant  Villeneuve.  Ce  povre  glorieux  estant  desia  enfle  de  l'arrogance  de  Portugal  etc.