54:48  aneanti  la  mort  (dit-il),  a  aussi  apporte  vie  immortelle.  Et  ne  faut  point  que  nous  facions  longs  circuits  pour  le  trouver,  car  l'Evangile  nous  y  mene,  et  nous  y  conduit.  Et  quand  Dieu  nous  envoye  ce  message  de  salut,  il  ne  faut  sinon  que  nous  recevions  l'heritage  qu'il  nous  a  promis,  il  ne  faut  point  que  nous  trottions  bien  loin,  mais  Dieu  nous  vient  chercher:  seulement  ouvrons  la  bouche  afin  qu'il  la  remplisse,  ouvrons  le  coeur,  et  donnons  entree  a  ce  tesmoignage  de  l'Evangile,  et  l'immortalite  du  royaume  celeste  habitera  en  nous:  combien  que  nous  soyons  povres  vaisseaux  fragiles,  voire  qu'il  n'y  ait  que  corruption  et  pourriture  en  nous,  si  est-ce  que  desia  nous  apprehendons  ceste  immortalite,  et  en  avons  un  tesmoignage  tout  certain,  quand  nous  pouvons  accepter  ceste  grace  qui  nous  est  offerte  en  l'Evangile.  Voila  toute  la  deduction  que  fait  ici  sainct  Paul.  Or  cependant,  pour  mieux  entendre  ce  qui  est  ici  contenu,  notons  que  ce  mot  de  Propos,  signifie  decret  eternel  de  Dieu,  voire  qui  n'a  point  ses  causes  ne  ca  ne  la.  Car  quand  nous  parlons  du  conseil  de  Dieu,  il  ne  faut  point  tousiours  disputer  qui  l'a  induit,  tellement  que  nous  imaginions  des  raisons  pour  dire,  Voila  pourquoy  Dieu  Fa  ainsi  determine,  voila  pourquoy  il  l'a  ainsi  voulu.  Car  au  contraire,  Dieu  nous  veut  tenir  en  ceste  sobriete,  que  sa  simple  volonte  nous  suffise  pour  toute  raison.  Quand  il  est  dit,  Dieu  Pa  ainsi  ordonne:  encores  que  nous  soyons  esblouis,  et  que  la  chose  nous  semble  estrange,  et  que  nous  n'y  voyons  point  de  apparence  de  raison,  tant  y  a  qu'il  nous  faut  conclure  que  sa  seule  volonte  est  iuste  et  irreprehensible.  Voila  (di-ie)  comme  toute  nostre  sagesse  est,  de  trouver  bon  tout  ce  que  Dieu  ordonne  et  fait,  sans  que  nous  disions  pourquoy.  Or  d'autant  que  les  hommes  ont  tousiours  leurs  esprits  chatouilleux,  et  qu'ils  laschent  la  bride  a  leur  curiosite,  sainct  Paul  pour  abbatre  une  telle  audace,  nous  ramene  au  propos  de  Dieu,  et  nous  dit  qu'il  nous  faut  contempler  que  Dieu  a  son  propos,  la  ou  nous  ne  pouvons  entrer  si  profond,  que  de  scavoir  qui  l'a  esmeu.  Mais  aussi  voila  une  cause  souveraine,  c'est  que  sa  volonte  est  iuste,  voire  et  la  regle  de  toute  iustice.  Par  cela  donc  nous  sommes  admonestez  que  nostre  salut  ne  depend  point  d'aucun  regard  de  nos  merites,  que  Dieu  ne  s'est  point  enquis  quels  nous  estions,  ne  de  quoy  nous  estions  dignes,  quand  il  nous  a  eleus  a  soy:  mais  il  a  eu  son  propos,  c'est  a  dire,  il  n'a  point  cherche  hors  de  soy  la  cause  de  nostre  salut.  Qu'ainsi  soit  que  ce  mot  de  Propos  signifie  ce  decret,  l'intention  de  S.  Paul  est  toute  claire:  mais  pource  que  les  hommes  selon  leur  arrogance  ne  se  peuvent  tenir  d'imaginer  tousiours  quelque  dignite  qui  leur  soit  propre,  qu'il  leur  semble  qu'ils  ont