52:48  tribu  sua  et  a  genere  Abrahae,  fierique  allopbylum,  ut  fieret  Christianus:  sed  fiduciam  generis  abiicere.  Non  debuit  ex  casto  impudicus,  ex  sobrio  intemperans,  ex  gravi  et  honesto  dissolutus  fieri:  sed  exuere  falsam  persuasionem  iustitiae  propriae,  et  in  eam  despuere.  Nos  quoque  non  adversus  operum  substantiam  disputamus,  quum  tractamus  de  iustitia  fidei:  sed  adversus  illam  qualitatem  quam  illis  imponunt  sophistae,  quod  illis  homines  iustificari  contendunt.  Se  igitur  spoliavit  Paulus  non  operibus,  sed  perversa  fiducia  operum,  qua  fuerat  inflatus.  Quod  ad  divitias  et  honores  spectat,  ubi  affectum  deposuerimus,  parati  quoque  erimus  res  ipsas  abiicere,  quoties  ita  exiget  Dominus.  Et  ita  oportet.  Non  est  simpliciter  necessarium  te  esse  pauperem,  ut  sis  Christianus:  verum  si  ita  Domino  placuerit,  te  paratum  esse  convenit  ad  subeundam  paupertatem.  Denique  Christianos  fas  non  est  quidquam  habere  extra  Christum.  Extra  Christum  esse  dico,  quidquid  obstaculo  nobis  est  quominus  solus  Christus  nostra  sit  gloriatio,  et  in  nobis  penitus  regnet.  Et  existimo  reiectamenta.  Hic  vero  non  verbis  solum,  sed  etiam  re  ipsa  multum  amplificat  quod  prius  dixit.  Nam  qui  abiiciunt  merces  et  alia  in  mare  ut  salvi  evadant,  non  ideo  tamen  contemnunt  divitias:  sed  quia  malunt  miseri  et  inopes  vivere  quam  demergi  cum  suis  opibus,  eas  quidem  perdunt,  aegre  tamen  et  cum  gemitu:  ubi  vero  enatarunt,  earum  amissionem  lugent.  Paulus  autem  contra  asserit,  non  modo  se  reliquisse  quidquid  ante  habebat  pretiosum:  sed  sibi  instar  stercoris  foetere,  vel  sordere  instar  rerum,  quae  contemptim  proiiciuntur.  Chrysostomus  paleas  interpretatur.  Grammatici  autem  axopaXov  dictum  putant  quasi  %uatj5aXov,  quod  proiicitur  canibus.  Et  certe  merito  foetere  debet  nobis  quidquid  alienum  est  a  Christo:  quum  apud  Deum  abominatio  sit.  Merito  etiam  sordere  debet,  quum  nihil  sit  quam  falsa  imaginatio.  Ut  Christum  lucrifaciam.  Hoc  verbo  innuit,  non  posse  aliter  Christum  lucrifieri  quam  si  nostra  omnia  perdamus.  Vult  enim  nos  esse  sola  sua  gratia  divites:  vult  unus  in  solidum  nostra  esse  beatitudo.  Qualis  autem  ratio  sit  perdendi,  prius  dictum  est,  nempe  ut  nihil  nos  abducat  ab  unius  Christi  fiducia.  Quod  si  Paulus  ea  vitae  innocentia  et  integritate  non  dubitavit  pro  damno  et  stercoribus  ducere  suam  iustitiam  :  quid  sibi  volunt  hodierni  Pharisaei,  qui  omni  flagitiorum  genere  cooperti  sua  tamen  merita  adversus  Christum  efferre  non  erubescunt?  9.  Et  inveniam  in  ipso.  Verbum  est  passivum:  ideo  alii  omnes  verterunt,  inveniar.  Sed  frigide  contextum  praetereunt:  quasi  nulla  subesset  emphasis.  Si  passive  legas,  antithesis  subaudienda  est,  Paulum  fuisse  perditum  antequam  inventus  esset  in  Christo.  Quemadmodum  dives  mercator  perdito  similis  est,  quamdiu  onustam  habet  navem  opibus: