51:48  Or  quant  a  ce  que  sainct  Paul  conioint  ioye  avec  charite,  ce  n'est  pas  seulement  pour  signifier  que  nous  serons  paisibles  envers  Dieu,  et  que  nous  aurons  nos  coeurs  alegres  quand  il  nous  aura  receus  a  merci,  et  qu'il  se  declarera  nous  estre  propice:  mais  il  parle  d'une  autre  ioye,  c'est  quo  nous  ne  serons  point  chagrins  les  uns  envers  les  autres  pour  nous  entrerechigner,  qu'il  n'y  aura  point  un  despit  pour  nous  estranger  de  nos  prochains  :  mais  que  nous  serons  faciles  et  accointables,  et  mesmes  que  nous  prendrons  plaisir  quand  nous  pourrons  aider  et  secourir  a  ceux  qui  ont  necessite  de  nous.  Au  14.  chap.  des  Rom.  sainct  Paul  dit  que  le  Royaume  de  Dieu  gist  en  la  ioye  du  sainct  Esprit:  mais  il  prend  ce  mot  en  divers  sens:  car  nous  nous  pouvons  esiouir  en  Dieu  quand  il  nous  testifie  qu'au  nom  de  nostre  Seigneur  Iesus  Christ  il  nous  recoit,  et  sans  cela  il  faut  que  nous  soyons  comme  transsis  et  agitez  d'inquietude  telle  que  tousiours  nous  soyons  en  trouble.  Vray  est  que  les  contempteurs  de  Dieu  en  leur  fierte  s'esgayent  tant  et  plus:  mais  iamais  ils  n'ont  ne  repos  ne  ioye:  car  il  faut  qu'ils  bruslent  la  dedans  et  que  Dieu  les  pique  de  divers  remords,  tellement  qu'il  y  a  tousiours  tristesse  et  fascherie  :  mesmes  quand  ils  se  veulent  esiouir,  il  faut  qu'ils  s'abrutissent  et  qu'ils  n'ayent  plus  nul  sentiment  et  que  toute  discretion  de  bien  et  de  mal  soit  comme  assopie  en  eux.  Or  voila  une  ioye  maudite,  quand  les  hommes  s'esgarent  ainsi  de  Dieu,  et  qu'ils  oublient  quels  ils  sont.  Mais  (comme  i'ay  desia  touche)  sainct  Paul  parle  ici  de  la  ioye  que  nous  avons,  couversans  avec  nos  prochains.  Et  voila  aussi  comment  est  prins  ce  mot  de  Foy,  c'est  a  scavoir  pour  fidelite  et  rondeur.  Il  y  a  la  foy  qui  regarde  a  Dieu,  et  c'est  la  certitude  que  nous  avons  de  ces  promesses  comme  il  est  dit  que  nous  sommes  iustifies  par  foy,  d'autant  qu'on  appercoit  en  nous  que  Dieu  aneantit  et  mortifie  tout  ce  qui  est  de  nostre  nature.  Il  faut  donc  que  nous  soyons  fondez  sur  la  pure  misericorde  de  Dieu,  laquelle  nous  est  monstree  en  nostre  Seigneur  Iesus  Christ.  Or  comment  est-ce  que  nous  entrons  en  possession  d'un  tel  bien?  C'est  quand  nous  sommes  asseurez  des  promesses  de  Dieu,  et  que  nous  les  recevons  en  toute  obeissance,  nous  arrestant  a  luy  apres  avoir  confesse  que  nous  sommes  damnez  et  perdus.  Voila  donc  nostre  foy  qui  regarde  Dieu,  c'est  ceste  asseurance  que  nous  concevons  de  sa  bonte  et  de  son  amour,  a  fin  que  nous  puissions  approcher  de  luy,  ne  doutant  point  qu'il  ne  nous  exauce.  Et  voila  pourquoy  aussi  sainct  Paul  dit  que  ceux  qui  ont  une  telle  foy,  ils  se  conflent  hardiment  en  Dieu:  et  puis  ils  ont  liberte  et  audace  de  s'adresser  a  luy.  Mais  en  ce  passage  sainct  Paul  prend  la  foy  que  nous  gardons  l'un  a  l'autre  quand  nous  cheminons