42:48  incredules  ne  mettent  en  execution  ce  qu'ils  auront  delibere,  les  uns  contre  les  autres,  que  par  plus  forte  raison,  il  maintiendra  son  peuple  et  son  Eglise,  et  ne  permettra  point  que  les  meschans  viennent  au  dessus  de  leur  entreprinse,  pour  molester  les  fideles,  et  c'est  une  belle  consolation  que  celle  la,  et  qui  nous  est  auiourd'huy  bien  necessaire,  comme  aussi  elle  estoit  de  ce  temps  la,  car  quand  les  fideles  voioient  les  abominations  que  commettoit  le  roy  Antiochus,  c'estoit  bien  pour  leur  faire  perdre  courage,  sinon  qu'ils  eussent  este  fortifies  d'enhaut.  Oar  comme  il  est  declare  au  livre  des  Macabees,  asses  amplement,  Antiochus  prophana  le  temple,  il  institua  les  abominations  des  paiens,  il  mist  au  temple  de  Dieu  une  idole,  il  destruisit  le  livre  de  la  loy,  mesmes  il  fist  brusler  tous  les  livres  et  toutes  les  copies  qu'il  pouvoit  trouver,  il  defendit  sur  peine  de  la  mort,  qu'on  ne  circoncist  plus  les  enfans,  qu'on  ne  gardast  plus  les  ordonnances  de  la  loy,  mais  qu'on  se  prophanast  en  toutes  les  superstitions  des  payens,  c'estoit  donc  une  horrible  tentation.  Et  ainsi  il  estoit  bien  necessaire  qu'ils  fussent  advertis  de  tout  cela,  a  fin  que  quand  il  adviendroit  de  tels  troubles  et  de  tels  changemens  ils  conneussent  que  le  tout  se  faisoit  par  la  providence  de  Dieu.  Car  depuis  qu'ils  furent  retournes  de  la  captivite  de  Babilonne,  il  n'y  avoit  point  eu  un  estat  si  desborde  comme  alors.  Ainsi  donc  Dieu  les  ha  voulu  advertir  devant  le  coup,  adioustant  cette  consolation,  qu'ils  attendissent  en  patience  iusques  a  ce  qu'ils  conneussent  qu'il  accompliroit  tout  ce  qu'il  leur  avoit  promis,  et  sur  tout  iusques  a  ce  qu'il  leur  envoiast  le  redempteur  du  monde  et  qu'il  leur  fust  manifeste.  Or  le  reste  se  reservera  a  demain.  Suivant  cette  saincte  doctrine,  nous-nous  prosternerons  devant  la  face  de  nostre  bon  Dieu,  etc.  SERMON  XXXVIII  sur  le  Chap.  XI.  v.  30.32.  Nous  avons  ici  a  traitter  une  doctrine  laquelle  est  bien  convenable  en  nostre  temps,  c'est  a  scavoir  des  afflictions  qui  adviennent  en  l'Eglise  de  Dieu,  par  les  ennemis  de  la  foy.  Or  il  est  dit  (en  premier  lieu)  que  le  tirant,  duquel  l'ange  parle  a  Daniel,  aura  son  entree  en  l'Eglise  par  le  moien  des  meschants  et  des  traistres,  qui  seront  mesmes  du  corps  des  fideles,  ceux  la  (di-ie)  feront  la  bresche,  car  si  Antiochus  n'eust  eu  nulle  intelligence  avec  ceux  qui  ne  demandoient  que  la  ruine  de  l'Eglise,  il  pouvoit  estre  forclos  et  empesche,  mais  d'autant  qu'il  y  ha  eu  des  malins  qui  ne  demandoient  sinon  de  mettre  confusion  par  tout,  la  porte  ha  este  ou-