41:48  ad  thesauros,  ad  pretiosam  supellectilem,  et  alia  omnia:  quantum  etiam  attinet  ad  maximos  proventus,  ut  erant  vectigalia  quae  conficerent  ingentem  vim  pecuniae,  vorabant  et  terebant  dentibus  suis.  Sed  si  qua  erat  mediterranea  regio,  quam  non  possent  tueri  nisi  locarent  illic  perpetuum  praesidium,  scimus  ut  conciliaverint  sibi  regulos  quosdam  famelicos.  Sic  regnum  Eumenis  usque  ad  nepotem  Attalum  in  sublime  crevit:  sic  dederunt  Rhodiis,  nunc  Cypriis,  nunc  aliis:  quia  nunquam  de  suo  remunerati  sunt  socios,  qui  se  in  illis  iuvandis  fere  exhauserant:  sed  eos  ditarunt  aliorum  spoliis:  nec  tantum  quod  huic  urbi  eripuerant  alteri  dederunt,  .sed  quasi  venales  habuerunt  agros.  Ita  Nabidi  tyranno  prodita  fuit  Lacedaemoniorum  libertas.  Iam  ante  Masinissam  tantis  opibus  auxerant,  ut  eius  opera  pacarent  sibi  Aphricam.  Denique  dandis  et  auferendis  regnis  sic  luserunt,  ut  alienis  opibus  et  sumptibus  tranquillas  provincias  tenerent.  Hoc  vero  praesertim  conspectum  fuit  in  Iudaea,  ubi  ethnarchas,  et  tetrarchas,  et  reges  de  nihilo  crearunt,  qui  tantum  essent  eorum  satellites,  idque  non  nisi  ad  tempus.  Nam  simul  atque  contigerat  aliquid  novi,  fuit  illis  tam  facile  eripere  quod  dederant,  quam  ante  largiri.  Illa  igitur  astuta  liberalitas  vocatur  conculcatio,  quod  residuum,  quia  scilicet  non  poterant  vorare  et  absumere  suis  dentibus,  pedibus  suis  calcarent.  Habebant  enim  omnes  sibi  obnoxios,  quos  ditabant  vel  augebant.  Sic  videmus  ut  serviliter  adulati  fuerint  quicunque  aliquid  adepti  erant  illorum  beneficio.  Et  in  Graecia  quam  foetida  fuit  servitus,  ex  quo  illuc  penetrarunt  Romani?  Nam  ut  unaquaeque  civitas  aliquid  acquisierat  novi  agri,  sic  erigebat  templum  Romanis.  Ideo  mittebant  suos  legatos  quasi  speculatores:  qui  sub  delationis  specie,  ac  si  vicini  aliquid  machinarentur,  spoliarent  ipsos,  et  ita  essent  locupletiores.  Sic  tenebant  Romani  sub  suis  pedibus  quidquid  largiti  fuerant  aliis.  Videmus  itaque  quam  apte  et  proprie  loquatur  propheta,  quum  dicit  calcasse  Romanos  residuum,  quod  scilicet  non  poterant  comedere:  et  quod  non  poterat  absumere  illorum  voracitas,  calcasse  suis  pedibus.  Adiungit  postea,  Et  haec  bestia  differebat  a  cunctis  prioribus  bestiis,  et  cornua  decem  erant  Uli.  Quum  dicit  bestiam  hanc  fuisse  diversam  a  reliquis,  confirmat  quod  ante  diximus,  nempe  fuisse  hoc  horribile  prodigium,  et  cui  nihil  simile  potest  proferri  in  medio  vel  in  rerum  natura.  Certe  si  quis  attente  ac  prudenter  confideret  unde  exorti  fuerint  Romani,  deinde  quomodo  ad  tantam  potentiam  progressi  fuerint,  obstupescet.  Fuit  igitur  illud  monstrum  insolitum,  ita  ut  non  possit  quidquam  simile  proponi.  Sed  quod  subiicit  propheta  de  decem  cornibus,  interpretes  huc  et  illuc  trahunt.  Ego  autem  sequor  simplicem  et  genuinam  sententiam,  nempe  quod  significet  propheta  hoc  imperium  non  unius  fore  hominis,