39:48  44.  Agros  pecunia  ement,  scribendo  in  libro,  et  obsignando,  et  obtestando  testes  in  terra  Beniamin,  et  per  circuitus  Ierusalem,  et  in  urbibus  Iehudah,  et  in  urbibus  montanis,  et  in  urbibus  campestribus  (quanquam  alii  volunt  esse  proprium  nomen:  sed  hoc  non  convenit)  et  in  urbibus  austri  (hoc  est,  quae  respiciunt  versus  austrum),  quia  reduco  captivitatem  eorum,  dicit  Iehovah.  Confirmat  vaticinium  de  reditu  populi,  et  accommodat  visionem  quae  fuerat  prophetae  oblata:  iussus  enim  fuerat,  ut  vidimus,  agrum  emere  in  terra  Beniamin.  Nunc  ergo  Deus  signum  illud  annectit  vaticinio.  Hic  enim  est  signorum  usus,  ut  fidem  faciant  doctrinae,  quae  tametsi  satis  meretur  per  se  fidei,  et  est  plane  authentica,  et  aOTOTUiaioc  :  tamen  hoc  conceditur  nostrae  infirmitati,  ut  signa  quasi  sigilla  sint,  quo  promissiones  magis  stabiliantur  in  cordibus  nostris,  et  ratae  sint.  Hunc  ordinem  nunc  sequitur  Deus,  ac  dicit,  Adhuc  acquiretur  ager  in  terra  hac.  PiJp  significat  acquirere  et  possidere:  sed  quia  proximo  versu  dicit,  Acquirent  pecunia  agrum,  mutanda  non  est  verbi  significatio,  Acquiretur  ergo  ager  (singularis  numerus  loco  pluralis)  in  terra  hac,  de  qua  vos  dicitis,  deserta  est  ab  homine  et  iumento.  Non  primi  hoc  dixerant,  quemadmodum  alibi  ostendimus,  imo  quum  Ieremias  illis  denuntiaret,  male  ab  illis  et  crudeliter  vexatus  fuit,  res  enim  erat  difficilis  persuasu,  terram  quae  erat  quasi  sacrum  domicilium  Dei,  vastatum  iri  a  Chaldaeis.  Deus  vocaverat  saepius  requiem  suam,  et  erat  in  haereditatem  data  filiis  Abrahae.  Ergo  Iudaei  non  erant  autores  huius  sententiae,  imo  ipse  Deus.  Verum  alibi  soluta  fuit  haec  quaestio:  neque  enim  eodem  sensu  vel  modo  loquuti  sunt  de  terrae  vastitate,  quo  Deus.  Nam  quum  minitati  sunt  illis  prophetae  terrae  vastitatem,  semper  addita  fuit  spes  liberationis,  et  reditus,  ipsi  autem  quum  occurreret  clades  ante  oculos,  abiecta  omni  fiducia  sese  prorsus  in  desperationem  coniecerunt.  Et  hoc  solenne  est  impiis,  ridere  omnes  Dei  minas  quantisper  illis  parcit,  vel  differt  poenam:  rursum  ubi  apparet  Deum  serio  loquutum  esse,  tunc  absorbet  eos  desperatio,  et  nihil  sibi  reliquum  faciunt.  Hoc  ergo  nunc  exprobrat  Ieremias  suis,  quod  spem  omnem  sibi  praeciderint,  quum  tamen  Deus  tempus  illis  70  annorum  praefigeret.  Quum  ergo  porrigeret  illis  Deus  manum,  malebant  sese  in  abysso  desperationis  ita  demergere,  ut  nihil  levaret  eorum  animos.  Hanc  ingratitudinem  merito  castigat  propheta,  quod  adiudicent  terram  suam  aeterno  exitio  cuius  tamen  restitutio  promissa  fuerat.  Perinde  igitur  est  ac  si  diceret,  Superabit  Dei  misericordia  et  fides  vestram  malitiam:  quantum  in  vobis  est  exstinguitis  eius  promissiones,  aboletis  eius  gratiam,  neque  datis  locum  promissionibus  :  ipse  nihilominus