37:48  ordinem  esse  scimus.  Quorsum  vero  haec  promittat  satis  apertum  est:  ne  scilicet  putarent  Iudaei  se  excludi  a  reditu  in  Iudaeam  magna  illa  deserti  vastitate,  ubi  viatores  torrentur  solis  aestu  omnibusque  rebus  necessariis  destituuntur.  Promittit  ergo  Dominus  se  aquam  abunde  suppeditaturum,  et  alia  quae  ad  iter  faciendum  necessaria  erunt.  Haec  autem  impleta  sunt,  quum  Dominus  populum  suum  eduxit  e  Babylone:  sed  multo  plenius  quum  universum  orbem  ad  se  convertit  per  Christum  redemptorem,  a  quo  abundantissimae  aquae  per  totum  orbem  ad  sitim  miserorum  hominum  restinguendam  effusae  sunt.  Tunc  enim  eiusmodi  conversio  accidit,  qualis  nunquam  mentibus  hominum  concipi  potuisset.  20.  (Itaque  videant.)  Quum  sibi  ex  cunctis  operibus  suis  reverentiam  Deus  conciliet,  ubi  tamen  de  restituenda  ecclesia  agitur,  admirabilis  eius  virtus  sese  profert,  quae  omnes  cogat  iri  admirationem  sui.  Et  sicut  alibi  vidimus,  ac  deinde  saepius  repetet,  populum  ab  exsilio  reducens,  documentum  edidit  saeculis  omnibus  memorabile,  sicuti  hic  pronuntiat  se  facturum.  Quoniam  vero  vel  tardi  vel  negligentes  sumus  ad  consideranda  eius  opera,  et  quia  perquam  exigua  est  attentio,  statim  nobis  effluunt,  pluribus  idem  inculcat.  Vanis  enim  atque  inutilibus  rebus  potius  quam  in  admirandis  hisce  Dei  operibus  occupamur:  ac  si  quando  nos  in  admirationem  rapiant,  tamen  facile  obliviscimur,  quia  ad  res  alias  et  quidem  frivolas  statim  delabimur.  Nos  igitur  exstimulat  propheta,  ut  excusso  torpore  omnes  sensus  nostros  ad  comprehendendam  Dei  virtutem  excitet  atque  intendat.  Itaque  aspectum  primo  loco  ponit  qui  certam  notitiam  pariat,:  deinde  adiungit  cogitationem,  quae  notitiam  melius  ac  certius  confirmet.  Incertum  est  autem  an  propheta  de  Iudaeis,  id  est,  domesticis  ecclesiae,  an  de  exteris  loquatur.  Ac  meo  quidem  iudicio  generaliter  accipere  possumus,  in  ecclesiae  restitutione  conspicuam  fore  manum  Dei  usque  ad  gentes  procul  remotas,  ut  insigne  Dei  opus  omnes  admirari  cogantur.  Certum  est  autem  Persas  et  Medos  ex  quo  dominati  sunt  Iudaeis  mirum  in  modum  stupefactos  fuisse,  quum  haec  prophetarum  testimonia  audirent,  maxime  ubi  rem  ipsam  oculis  intuiti  sunt.  Haec  enim  ab  hominibus  fieri  non  posse  intellexerunt,  tametsi  ad  eum  minime  conversi  sint.  21.  (Adeste  eausae  vestrae.)  Hoc  etiam  superiori  doctrinae  necessario  addi  oportuit:  quum  enim  versamur  inter  impios,  ludibrio  habetur  spes  nostra,  et  stultitiae  ab  iis  damnamur,  quasi  nimium  simplices  ac  creduli  simus.  Talibus  ergo  sannis  invaditur  fides  nostra,  et  saepe  concutitur.  Hi  pendent  e  nubibus,  atque  sibi  persuadent  ea  quae  fieri  non  possunt,  omnique  rationi  adversantur.  Quum  igitur  in  exsilio  eiusmodi  irrisiones  audituri  essent  Iudaei,