35:48  vertis,  que  la  marque  que  Dieu  avoit  mise  en  nous  pour  y  estre  glorifie,  est  tournee  en  son  opprobre:  et  toutes  les  graces  qui  nous  estoyent  conferees,  nous  sont  autant  de  tesmoignages  pour  nous  rendre  coulpables  devant  Dieu:  d'autant  que  nous  les  polluons,  et  que  l'homme  demeurant  en  son  naturel  ne  fera  qu'abuser  des  biens  qu'il  a  receus,  et  les  appliquera  a  tout  mal.  Et  ainsi  voila  tousiours  nostre  confusion  qui  s'augmente  par  tous  les  dons  que  Dieu  nous  aura  communiquez.  Mais  encores  prenons  le  cas,  que  nous  fussions  en  ceste  integrite  ou  nostre  pere  Adam  a  este  premierement  :  faudroitil  que  nous  presumissions  de  nous,  sous  ombre  que  Dieu  nous  auroit  ainsi  annoblis?  Or  nous  tenons  tout  de  luy.  Qui  est-ce  qui  nous  separe  d'avec  les  bestes  brutes,  et  qui  nous  rend  plus  excellens?  Avons-nous  cela  de  nostre  industrie?  L'avonsnous  acquis  par  nostre  vertu?  L'avons-nous  d'heritage  de  nos  ancestres?  Nenny:  mais  nous  l'avons  d'autant  que  Dieu  nous  l'a  donne  par  sa  bonte  gratuite.  Ainsi  donc  qu'est-il  question  de  faire,  sinon  de  nous  humilier?  Voila  ce  que  nous  avons  a  retenir  en  general  de  ce  passage,  ou  Eliu  confesse  qu'il  a  este  cree  de  fange,  et  que  l'esprit  et  la  vie  qu'il  a,  il  les  doit  a  Dieu,  pource  qu'ils  luy  sont  communiquez  de  sa  pure  bonte.  Or  cependant  ceux  desquels  Dieu  se  voudra  servir  en  estat  honorable,  doivent  tant  mieux  recorder  ceste  lecon.  Car  ce  n'est  point  a  fin  que  les  hommes  s'eslevent,  quand  Dieu  leur  tend  la  main,  et  qu'il  les  met  en  quelque  degre  d'honneur:  mais  plustost  a  ce  qu'ils  cognoissent  combien  ils  sont  tenus  a  luy,  qu'ils  soyent  tant  mieux  incitez  a  l'honorer,  et  qu'ils  s'aguisent,  et  appliquent  tous  leurs  sens  et  toutes  leurs  affections  a  faire  tellement,  que  Dieu  soit  honore  par  eux:  comme  il  est  dit  qu'une  chandelle  ne  doit  point  estre  cachee,  mais  on  la  mettra  sur  un  buffet,  afin  qu'elle  luise  par  toute  la  maison.  Ceux  donc  ausquels  Dieu  fait  ceste  grace  de  les  eslever  en  quelque  vocation  plus  digne  et  plus  haute,  doivent  estre  tant  plus  enflammez  pour  esclairer  leurs  prochains,  et  leur  donner  tel  exemple  que  la  grace  qu'ils  ont  receue  ne  soit  point  comme  estouffee.  C'est  ce  que  nous  avons  ici  a  observer  en  second  lieu.  Or  cependant  notons  en  general,  que  les  hommes  ne  peuvent  point  attribuer  a  Dieu  la  gloire  qui  luy  est  deue,  sinon  en  se  desnuant  du  tout.  Or  tant  que  nous  pretendrons  de  reserver  a  nous  quelque  peu  que  ce  soit,  la  gloire  de  Dieu  sera  d'autant  amoindrie.  Que  faut-il  donc?  Quand  nous  aurons  bien  espluche  le  bien  qui  est  en  nous,  que  nous  facions  autant  d'Items  en  nos  contes  de  ce  que  nous  aurons  receu,  et  qu'il  n'y  ait  rien  qui  nous  soit  propre.  Yoila  comme  les  hommes  ne  despouilleront  Dieu  de  sa  louange:  c'est  quand  ils  s'estudieront