33:48  ceste  facon  de  sacrifier  a  Dieu,  il  n'eust  peu  avoir  aucune  foy:  car  c'est  le  principal  que  Dieu  nous  conduise,  et  nous  gouverne,  et  la  foi  ne  peut  iamais  estre  sans  obeissance,  il  faut  qu'elle  responde  a  ce  que  Dieu  aura  institue.  Ainsi  donc  nous  voyons  que  Dieu  a  este  l'auteur  des  sacrifices  qui  ont  este  depuis  la  creation  du  monde.  Car  quand  il  a  commande  aux  hommes  de  luy  sacrifier,  ce  n'a  pas  este  qu'il  ne  leur  ait  monstre  la  fin  et  a  quel  but  cela  tendoit:  car  si  les  hommes  eussent  offert  des  bestes  brutes  sans  intelligence,  cela  eust  este  de  nulle  valeur,  cela  n'eust  servi  que  de  moquerie.  Or  nous  savons  que  Dieu  instruit  les  siens  pour  leur  salut.  Ainsi  donc  il  n'y  a  nulle  doute,  que  Dieu  commandant  les  sacrifices  n'ait  aussi  monstre  quel  en  est  le  vray  usage,  et  comment  ils  pourront  estre  profitables  aux  hommes  pour  leur  salut.  Or  c'a  este  a  fin  qu'ils  se  cognussent  tous  indignes  d'approcher  de  lui,  et  qu'ils  avoyent  merite  la  mort,  qu'il  falloit  qu'ils  se  recognussent  tous  coulpables,  et  cependant  aussi  qu'ils  recogneussent  qu'il  y  avoit  encores  quelque  moyen  de  se  reconcilier  a  luy.  Et  ainsi  en  premier  lieu  notons,  que  ceux  qui  ont  use  droitement  des  sacrifices,  et  selon  la  volonte  de  Dieu,  ont  testifie  qu'ils  estoyent  coulpables  de  mort,  comme  si  on  passoit  une  obligation  autentique  de  quelque  dette.  Et  voila  aussi  pourquoy  sainct  Paul  parlant  aux  Colossiens  (2,  14)  des  ceremonies  de  la  Loy,  les  appelle  des  obligez,  et  des  cedules,  qui  sont  pour  tenir  les  hommes  accablez  devant  Dieu,  pour  monstrer  qu'ils  ne  peuvent  point  fuir  la  condamnation  de  mort  eternelle,  n'estoit  qu'il  y  eust  un  remede  que  Dieu  donnast  par  sa  misericorde  gratuite.  Or  c'est  desia  une  lecon  bien  bonne  et  bien  utile,  quand  les  hommes  se  recognoissent  et  confessent  coulpables  devant  Dieu,  et  qu*ils  se  mettent  devant  leurs  yeux,  ce  qu'ils  ont  merite,  que  quand  une  beste  brute  est  la  tuee,  ils  cognoissent  que  c'est  a  cause  de  leurs  pechez.  Voila  comme  Dieu  a  voulu  induire  les  hommes  a  humilite.  Cependant  il  les  a  voulu  aussi  nourrir  en  esperance,  que  combien  qu'ils  fussent  si  miserables,  neantmoins  il  y  auroit  un  sacrifice  offert,  par  lequel  les  pechez  seroyent  lavez.  Voila  comme  les  Peres  anciens  ont  use  des  sacrifices.  Or  cependant  les  Payens  ont  fait  le  semblable,  mais  c'a  este  sans  foy:  d'autant  qu'ils  n'ont  pas  cognu  le  Dieu,  auquel  ils  devoyent  faire  hommage:  d'autre  coste  ils  n'ont  point  cognu  que  leur  service  fust  agreable  a  Dieu,  ils  n'en  ont  eu  nulle  certitude:  bref  ils  n'ont  seu  a  quelle  fin  ni  a  quel  propos  ils  sacrifioyent.  Ainsi  donc  tout  s'est  fait  a  l'aventure,  comme  on  dit,  c'a  este  une  peine  frivole,  mesmes  Dieu  a  eu  en  detestation  tous  les  sacrifices  qui  ont  este  faits  sans  intelligence,  et  sans  foy.  Il  est  vray  qu'il  y  avoit  assez  de  pompes,  mais  cela  n'a  rien  valu,  d'autant  qu'il  nous