30:48  ergo  baculi  extremo  in  favum  mellis  intincto,  aliquantulum  suxit:  qui  a  quodam  e  plebe  de  exseoratione  patris  admonitus,  excepit:  Atqui  turbavit  pater  meus  terram:  vidistis  enim  quia  illuminati  sunt  oculi  mei,  eo  quod  gustaverim  paululum  de  meUe  isto.  Quasi  dicat:  Debilitatae  meae  vires  oculorum  meorum  adspectum  turbaverant.  Nam  scimus  experientia,  nimia  abstinentia  vires  frangi  et  debilitari:  ac  proinde  eum  qui  ieiunus  nimium  laborarit,  etiam  oculorum  vim  amittere.  Ergo,  inquit,  oculi  mei,  postquam  mel  istud  gustavi,  sunt  illuminati:  quasi  dicat,  reddita  mihi  vita  est:  moribundus  eram  ex  debilitatione,  iam  vero  redintegratis  viribus,  degustato  mellis  pauxillo  vivo.  Ac  si  populus  libere  comedisset  hodie  de  praeda  suorum  hostium  quod  suffecisset  ad  vires  reparandas,  maiore  animo  et  viribus  hostes  insequeretur:  nae  nimia  patris  hac  in  parte  fuit  severitas.  Nihilominus  populus  hostes  insequutus,  percussit  illos  a  Machmaso  Aialonem  usque:  et  insigni  clade  affecit,  victonamque  memorabilem  ex  qua  toti  populo  salus  parta  est  reportavit.  Quid  vero  illa  Saulis  exsecratio  fecerit  paulo  post  videbimus,  quandoquidem  hodie  pertractari  illa  non  possunt.  Interim  Ionathani  querimoniam  iustam  esse  certum  est,  quod  nimia  severitate  pater  iuramento  populum  adstrinxisset.  Sane  saepe  imperatores  legibus  inusitatis  milites  in  officio  retinere  oportet:  nimia  alioquin  in  castris  futura  confusione  rerumque  perturbatione,  nisi  severis  legibus  milites  contineantur.  Sed  hoc  exemplo  docemur  non  temere  exsecrationibus  ullos  obstringendos.  Nam  tolerabilior  in  principe  aut  rege  unius  aut  alterius  militis  caedes  esset,  licet  immerita,  quam  unius  aut  plurium  exsecratio.  Nam  etsi  iussu  imperatoris  aliquis  caedatur,  nihilominus  tamen  eius  misereri  Deus  potest:  Sed  quantum  fulmen  est  Dei  nomine  advocato  qualiscunque  exsecratio?  Equidem  fateor  temere  Dei  nomine  abutentem,  in  suum  caput  omne  maledictionis  genus  derivare:  verumtamen  et  illud  certum  est  per  ipsum  non  stare  quominus  devoti  exsecrationi  omnes  sine  remissione  pereant.  Quapropter  si  Saul  interdixisset  ne  quis  sub  capitis  poena  cibum  ante  devictos  hostes  gustasset:  poterat,  si  legitima  fuisset  excusatio,  legis  severitas  temperari.  Nam  poterat  temeritatem  edicti  agnoscere,  et  habere  potestatem  remittendi  de  eo,  quod  nimius  fervor  et  insequendi  hostis  desiderium  extorsisse  merito  videretur.  Sed  quum  advocato  Dei  nomine  exsecrationi  populum  obstrinxit:  sibi  nihil  reliquum  fecit:  quia  potius  quantum  in  se  fuit,  in  populum  universum  Dei  iram  et  maledictionem  provocavit.  Quamobrem  diligenter  observemus,  omni  maledictione  et  exsecratione  abstinendum;  et  cohibendum  animi  impetum,  ne  quid  in  proximum  peccemus.  Profecto  qui  proximum  vel  digito  offendit,  coram