28:48  son  ire  et  sa  vengeance.  Il  veut  donc  que  la  foy  sur  tout  soit  gardee  en  mariage.  Or  il  est  ici  question  des  adulteres.  Il  est  vray  que  toute  paillardise  est  bien  desplaisante  a  Dieu.  Car  il  nous  faut  revenir  a  ce  principe-la,  que  puis  que  Dieu  a  beni  l'homme  et  la  femme,  les  ayant  conioints  en  mariage,  qu'il  maudit  toute  paillardise:  comme  aussi  l'Apostre  en  parle:  Que  le  mariage  est  sainct  et  honorable:  que  quand  un  lict  est  dedie  au  nom  de  Dieu,  c'est  a  dire,  que  les  parties  sont  coniointes  en  son  nom,  et  vivent  honnestement,  voila  un  estat  qui  est  comme  sanctifie:  mais  Dieu  iugera  et  les  paillards  et  ies  adulteres.  Il  ne  parle  point  seulement  des  adulteres,  c'est  a  dire,  de  ceux  qui  ont  rompu  leur  mariage,  et  le  mariage  d'autruy:  mais  il  parle  en  general  et  sans  exception  de  tous  ceux  qui  se  sont  prostituez  en  paillardise.  Comme  aussi  sainct  Paul  ne  dit  pas  seulement,  que  les  adulteres  sont  exclus  du  royaume  de  Dieu,  et  en  sont  bannis:  mais  il  adiouste  les  paillards  quant  et  quant.  Et  puis  nous  voyons,  quand  il  parle  de  ceux  qui  menent  une  meschante  vie  et  dissolue,  qu'ils  doyvent  estre  excommuniez  et  reiettez.  Il  ne  parle  point  seulement  des  adulteres,  mais  des  paillards.  Et  la  raison  est  tresbien  notee.  Car  qu'est-ce  et  de  nos  corps  et  de  nos  ames,  ne  sontce  point  les  temples  du  sainct  Esprit?  Puis  que  Dieu  nous  fait  cest  honneur,  de  vouloir  habiter  en  nos  corps  et  en  nos  ames,  n'est-ce  pas  raison  qu'ils  soyent  sanctifiez  et  impolus?  Et  si  un  homme  se  souille  ainsi  en  paillardise,  quand  il  se  mesle  avec  une  paillarde,  n'est-ce  point  autant  comme  s'il  deschiroit  par  pieces  le  corps  de  nostre  Seigneur  Iesus  Christ?  Notons  donc  que  en  general  toutes  paillardises  sont  detestables  a  Dieu.  Mais  ici  il  parle  des  adulteres:  pource  que  la  il  y  a  encores  une  plus  grande  enormite.  Et  pourquoy?  Car  si  une  fille  a  promis  mariage,  et  qu'elle  fausse  la  foy  qu'elle  a  donnee,  non  seulement  elle  pollue  son  corps,  et  viole  par  consequent  le  temple  de  Dieu:  mais  elle  fait  deshonneur  a  son  mari,  auquel  elle  estoit:  elle  desrobe  le  bien  d'autruy,  voire  et  un  bien  qui  ne  se  peut  recompenser  ni  par  or  ni  par  argent.  Car  elle  va  mettre  en  opprobre  celuy  pour  lequel  elle  devoit  exposer  sa  vie,  s'il  estoit  besoin.  Est-il  licite  donc  que  cela  soit  souffert?  Et  ainsi  notons,  quand  nostre  Seigneur  veut  que  les  filles  qui  auront  promis  mariage  soyent  lapidees,  si  ellea  s'abandonnent  a  un  paillard,  que  c'est  d'autant  qu'elles  ont  fait  cest  outrage  a  leurs  maris  et  fiancez,  de  ne  leur  point  tenir  la  foy:  et  que  le  paillard  soit  puni  quant  et  quant.  Et  pourquoy?  Car  il  va  desrober  l'honneur  d'autruy  :  il  va  contre  une  promesse  saincte  et  sacree.  On  punira  les  faussaires.  Si  quelcun  desrobe  un  instrument  public,  ou  le  falsifie,  il  sera  puni  griefvement:  et  le  ma-