27:48  avons  a  retenir  de  ce  passage,  et  de  ceste  remonstrance  qui  est  faite  par  Moyse  aux  Iuifs.  Et  voila  pourquoy  il  adiouste  l'exhortation  que  nous  avons  leue,  quand  il  dit  que  les  Iuifs  circoncisent  leurs  coeurs,  et  qu'ils  riendurcissent  plus  leur  col.  Et  c'est  bien  raison  que  les  hommes  se  presentent  ainsi  a  Dieu,  renoncans  a  eux-mesmes,  veu  qu'il  ne  cerche  sinon  de  nous  gagner  a  soy:  non  point  pour  son  profit,  comme  il  fut  hier  remonstre,  mais  d'autant  qu'il  desire  nostre  salut,  et  qu'il  ne  nous  met  nulle  charge,  sinon  pour  nostre  bien,  et  pour  nostre  profit.  Puis  donc  que  Dieu  n'a  regard  qu'a  nous,  quand  il  nous  incite  a  venir  a  luy:  faut-il  ici  nous  rebecquer?  devons-  nous  avoir  nos  coeurs  fiers  et  hautains,  pour  nous  eslever?  Or  pour  mieux  comprendre  ceste  doctrine,  nous  avons  a  noter  que  Moyse  a  regarde  au  signe  exterieur  qui  estoit  pour  lors  donne  aux  Iuifs:  comme  auiourd'huy  nous  avons  le  Baptesme.  Car  la  Circoncision  tendoit  a  double  fin.  Dieu  par  icelle  condamnoit  tout  le  genre  humain,  et  tout  ce  qui  est  de  la  nature  des  hommes,  il  leur  monstroit  que  tout  cela  est  mauvais:  et  puis  il  donnoit  esperance  de  salut  en  la  semence  d'Abraham,  qu'il  avoit  promise.  Voila  (di-ie)  quelle  a  este  la  figure  de  la  Circoncision  :  c'est  que  les  Iuifs  estoyent  admonnestez  que  du  ventre  de  la  mere  ils  n'avoyent  que  condamnation  en  eux,  et  que  ce  qui  estoit  de  l'homme  estoit  maudit  devant  Dieu,  pource  qu'il  n'y  avoit  que  vice  et  corruption:  et  puis  en  second  lieu  ils  estoyent  consolez,  voyans  que  par  la  semence  humaine  Dieu  leur  promettoit  salut,  les  recevoit  en  sa  grace,  les  iustifioit  afin  qu'ils  fussent  separez  de  tout  le  reste  du  monde.  Quand  les  Iuifs  ont  eu  cela,  il  falloit  bien  (s'ils  ne  vouloyent  abolir  la  verite  de  Dieu  entant  qu'en  eux  estoit)  qu'ils  fissent  valoir  leur  Circoncision,  voire  retranchans  tout  ce  qui  estoit  de  leur  nature,  cognoissans  que  les  hommes  ne  peuvent  plaire  a  Dieu,  iusques  a  ce  qu'ils  ayent  renonce  a  ce  qui  leur  est  propre.  Moyse  a  regarde  a  cela,  disant:  Circondsez  auiourdhuy  vos  coeurs.  Car  combien  qu'ils  observassent  la  figure,  ce  n'estoit  rien,  sinon  qu'ils  cogneussent  a  quoy,  et  a  quelle  fin  Dieu  les  vouloit  mener  :  ils  s'abusoyent  aux  signes  visibles:  et  ce  leur  estoit  assez,  comme  Satan  a  tousiours  eu  ceste  austuce,  de  faire  amuser  les  hommes  a  ce  qui  se  voit  a  l'oeil,  comme  il  les  y  voyoit  enclins  :  car  nous  ne  demandons  qu'a  contenter  Dieu  par  belles  couvertures  :  et  si  nous  n'approchons  iamais  de  luy  en  verite,  nous  le  voudrions  tousiours  payer  en  des  menus  fatras.  Les  Iuifs  donc  prisoyent  assez  et  trop  leur  Circoncision  :  mais  ils  la  falsifioyent  quant  et  quant,  pource  qu'ils  ne  regardoyent  point  a  ce  que  Dieu  leur  avoit  voulu  monstrer:  mais  estoyent  simplement  attachez  a  ce  signe  visible.  Moyse  les  redargue,  et  dit:  Ne  pensez  pas  quand  vous