26:48  qui  ne  Tont  point  receu,  ils  n'en  ont  point  fait  leur  profit,  mais  l'ont  reiette:  comme  nous  voyons  ces  mal-heureux,  qui  auiourd'huy  foullent  au  pied  la  doctrine  de  salut  par  leur  impiete.  Or  S.  Paul  dit  que  c'est  bien  raison  que  Dieu  les  aveugle,  afin  que  les  tenebres  dominent  sur  eux,  puis  qu'ils  n'ont  point  voulu  recevoir  la  clarte.  Mais  quelquefois  la  cause  sera  incomprehensible:  nous  ne  saurons  pourquoy  Dieu  besongne  ainsi,  pourquoy  il  veut  que  l'un  perisse  plustost  que  l'autre:  contentons-  nous  de  sa  seule  bonte,  et  confessons  qu'il  est  iuste  quoy  qu'il  en  soit.  Au  reste,  apprenons  de  l'invoquer,  afin  qu'il  luy  plaise  de  tourner  nos  coeurs  en  bien,  quand  ii  nous  envoye  message  de  paix,  et  qu'il  nous  presente  sa  bonte  paternelle,  que  non  seulement  nous  oyons  la  voix  d'un  homme,  mais  que  nos  coeurs  soyent  touchez  de  luy.  Et  la  dessus  ne  doutons  pas  de  sa  misericorde:  car  il  nous  testifie  qu'il  nous  a  regarde  en  pitie,  et  en  cela  aussi  qu'il  nous  prepare,  et  change  nos  coeurs  pour  les  flechir  en  obeissance.  Voila  ce  que  nous  avons  a  retenir  quant  a  ce  passage.  Or  Moyse  dit:  Que  Sehon  est  sorti  en  bataille,  mais  qu'il  a  este  desconfi  luy  en  tout  son  peuple,  pour  ce  gue  Dieu  savoit  livre  aux  enfans  d'Israel.  Ici  Moyse  monstre  que  la  victoire  que  le  peuple  a  eu  de  Sehon,  et  des  Amorrheens,  a  este  une  pure  grace  de  Dieu.  Et  il  falloit  aussi  que  le  peuple  fust  adverti  de  cela,  afin  de  sentir  comme  Dieu  l'avoit  gouverne:  et  ce  recit  est  fait,  afin  que  le  peuple  soit  tenu  en  bride,  sentant  que  Dieu  Ta  tellement  oblige  a  soy,  que  s'il  ne  le  sert,  s'il  ne  l'honore  en  toute  sa  vie,  et  que  ses  enfans  soyent  enseignez  de  faire  le  semblable,  que  c'est  une  ingratitude  trop  meschante.  Or  ici  nous  avons  deux  poincts  a  noter.  C'est  en  general  que  nous  apprenions  d'attribuer  a  Dieu  toutes  les  victoires  qu'il  nous  donne  contre  nos  ennemis.  Ie  ne  di  point  seulement  des  princes  quand  ils  auront  fait  la  guerre,  qu'ils  auront  gagne  une  bataille:  mais  quand  nous  aurons  este  assaillis  par  un  homme  particulier,  et  que  nous  sommes  eschappez  de  ses  mains,  quand  il  nous  aura  fait  quelque  mauvais  tort,  qu'il  nous  aura  fait  quelque  moleste,  et  que  nous  en  serons  delivrez:  cognoissons  que  c'est  Dieu  qui  nous  a  donne  une  telle  victoire,  afin  que  nous  ayons  tousiours  la  bouche  ouverte  pour  luy  en  rendre  la  louange.  Et  que  nous  ne  le  facions  point  seulement  de  bouche  :  mais  sur  tout  qu'en  nostre  vie  nous  monstrions  l'obligation  que  nous  avons  envers  luy.  Voila  donc  ce  que  nous  avons  envers  luy.  Voila  donc  ce  que  nous  avons  a  observer:  c'est  que  toutes  fois  et  quantes  que  nous  eschappons  de  la  malice  de  nos  ennemis  :  que  Dieu  nous  a  tendu  la  main  pour  nous  secourir,  et  que  par  ce  moyen  il  nous  a  obligez  a  soy,  afin  que  nous  ayons  tant  plus  de  courage  a  le