22:48  elle  ruineroit88)  ou  plus  tost  sesvanoiroit.  Pourtant  quand  le  Seigneur  par  la  promesse  evangelique  nous  presente  sa  misericorde,  si  certainement  et  sans  nulle  hesitation  nous  nous  confions  en  luy  qui  faict  la  promesse,  nous  sommes  dictz  apprehender  sa  parolle  par  foy.  Et  ceste  diffinition  nest  point  diverse  de  celle  de  lapostre  (Heb.  l  l  )  en  laquelle  il  enseigne  la  foy  estre  la  subsistence  des  choses  a  esperer  et  la  demonstrance  des  choses  non  apparentes:  car  il  entend  une  certaine  et  seure39)  possession  des  choses  qui  sont  promises  de  Dieu  et  une  evidence  des  choses  non  apparentes,  cest  a  scavoir  de  la  vie  eternelle,  de  laquelle  nous  concevons  espoir  par  la  confiance  de  la  divine  bonte  qui  nous  est  offerte  par  lEvangile.  Or  comme  ainsi  soit  que  toutes  les  promesses  de  Dieu  soient  en  Christ  confirmees  et  par  maniere  de  dire  tenues  et  accomplies,  il  appert  sans  doubte  que  Christ  est  le  perpetuel  obiect  de  la  foy,  auquel  elle  contemple  toutes  les  richesses  de  la  misericorde  divine.  Que  la  foy  est  don  de  Dieu.  Si  nous  considerons  droictement  en  nous  mesmes  combien  nostre  pensee  est  aveugle  aux  secretz  celestes  de  Dieu  et  combien  nostre  cueur  a  grande  deffiance  en  toutes  choses,  nous  ne  doubterons  point  que  la  foy  ne  surmonte  beaucoup  toute  la  vertu  de  nostre  nature  et  quelle  ne  soit  un  singulier  et  precieux  don  de  Dieu.  Car  comme  S.  Paul  (1.  Corinth.  2.)  argue:  si  personne  ne  peult  estre  tesmoing  de  la  volunte  humaine  sinon  lesperit  de  lhomme  qui  est  en  luy,  comment  lhomme  seroit  il  certain  de  la  volunte  divine?  Et  si  la  verite  de  Dieu  en  nous  vacille  mesmes  en  ces  choses  lesquelles  nous  voyons  a  loueil,  comme  seroit  elle  ferme  et  stable  ou  le  Seigneur  promect  les  choses  que  loueil  ne  voit  et  lentendement  de  lhomme  ne  comprent  point?  Doncques  il  ny  a  point  de  difficulte40)  que  la  foy  ne  soit  une  clarte  du  Sainct  Esperit,  par  laquelle  noz  entendemens  soient  esclairez  et  noz  cueurs  confirmez  en  une  certaine  f  persuasion,  laquelle  soit  asseuree41)  la  verite  de  Dieu  estre  tant  certaine  quil  ne  puisse  ne  accomplir  point  ce  que  par  sa  saincte  parolle  il  a  promis  quil  feroit.  Pour  ceste  cause  (2.  Corinth.  1  et  Ephes.  1)  le  S.  Esperit  est  appelle  comme  une  arre,  laquelle  confirme  en  noz  cueurs  la  certitude  de  la  verite  divine  et  un  seau  par  lequel  noz  cueurs  sont  seellez  38)  corruat.  39)  securam.  40)  nihil  obscurum  est.  41)  statuat.