20:48  Tarditati  meae  ignosces,  observande  domine.  Nuper  enim  redii  ex  finibus  Italiae:  *)  et  prope  infinitas  reperi  quibus  respondendum  sit  literas.  Aves  intelligere,  quomodo  compositum  sit  nostrum  dissidium:  dicam  breviter.  Propositum  fuerat  de  principio  Dominis  nostris,  ut  audio  et  video,  ita  in  hac  nostra  controversia  sese  gerere,  ut  quoad  eius  fieri  posset,  salva  et  sarta  tectaque  maneret  utriusque  partis  dignitas:  idque  propter  ministerium,  tum  concionatorum  in  ecclesia,  tum  nostrum  in  schola.  Tametsi  igitur  per  istud  biennium,  quo  causa  fuit  apud  Dominos  acta,  optime  ex  perlectis  actis  utriusque  partis  scriptis,  et  multarum  ecclesiarum  academiarumque  de  meis  thesibus  iudiciis,  cognoverunt,  actionem  contra  me  ab  adversariis  institutam,  fuisse  iniquam,  et  doctrinam  meam,  quae  accusata  damnataque  fuerat  tum  novitatis,  tum  haereseos,  neque  novam,  neque  haereticam  esse:  noluerunt  tamen  vel  pronunciare  de  causa,  vel  saltem  ut  disputatione  decideretur  permittere:  sed  accersitis  quatuor  theologis  2)  et  aliquot  iuris  peritis,  3)  partim  Tubinga,  partim  Biponte,  partim  Basilea,  curarunt  ut  per  istos  dissidium  componeretur.  Isti  praesentibus  etiam  quatuor  ex  senatu  legerunt  acta  et  utriusque  partis  scripta:  perspicue  viderunt,  insignem  et  mihi  et  veritati  factam  fuisse  iniuriam.  Retulerunt  ad  senatum  suum  iudicium  de  scriptis  et  actis.  Hic  D.  Petrus  Sturmius  Scholarcha  palam  dixit:  Ubi  igitur  nunc  tot  et  tantae  haereses,  quae  Zanchio  obiiciebantur?  Egerunt  deinde  seorsim  cum  utraque  parte  pro  concordia.  Quum  ventum  est  ad  me:  primum  disertis  verbis  dixerunt  compositores,  partem  adversam  idem  quod  et  nos,  de  praedestinatione  sanctorum  sentire,  probare  enim  doctrinam  Augustini,  Lutheri,  Buceri:  iis  autem  tribus  post  scripturas  totam  meam  doctrinam  copiosissime  confirmaveram  in  meis  lectionibus  et  confessionibus  :  tantum  superesse  aliquid  controversiae  de  coena.  Etsi  igitur  legerint  meam  confessionem  de  coena,  se  tamen  cupere  adhuc  clarius  ex  me  audire  quid  sentiam  de  praesentia  corporis  Christi  in  coena.  In  mea  enim  confessione  nihil  de  praesentia  disputaverat^  sed  tria  tantum  praecipua  capita  explicaveram  :  primum,  non  sola  symbola  percipi,  sed  etiam  rem  ipsam,  verum  corpus  Christi  et  verum  eius  sanguinem,  hoc  est  Christum  ipsum.  Alterum,  utrumque  manducari  ac  bibi,  non  ore  corporis,  sed  spiritus,  hoc  est  fide.  Tertium,  idque  a  fidelibus  tantum.  Hic  respondi,  me  de  hac  quaestione  non  libenter  disputare,  quod  ne  unum  qui-  3972.1)  Cf.  praecedentem.  2)  Vide  N.  3934.  3)  Wolf  a  Koteritz,  ducis  Wolfgangi  Palatini  consiliarius,  Henricus  Schwablin  Lic.  eiusdem  consiliarius,  D.  Kilian  Bertz,  ducis  Christophori,  Daniel  a  Renchen,  Obervogt  zu  Newenburg.