11:48  occurrere,  dum  videbat  locum  esse  in  disputatione  Lausannensi5)  utebatur,  ut  nos  anteverteret:  quod  sane  nobis  non  erat  ingratum.  Nam  quid  attulit  Lausannae  quod  contra  eum  Genevae  non  fuerit  dictum,  praeter  unam  de  transsubstantiatione,  quam  vocant,  deductionem?  quam  dextre  tractavit,  ut  alia  non  prorsus  inepte.  Quod  scribit  se  admonitum  ne  tam  praecise  nobiscum  ageret,  scilicet  Carolus  erat  quem  timeremus?  et  aliquis  aliquando  metus  nos  tenuit  ne  vinceremur?  Basileae,  6)  ubi  erat  Erasmus,  Berus,  Zicardus,  Cantiuncula  (theologi  illi  ut  hi  iurisperiti),  in  arenam  descendimus,  et  sustinuimus  argumenta  non  levia  nostrorum,  ut  Oecolampadii,  bellicam:  sed  scripturis  ita  erant  roborata,  ut  ne  minimum  quidem  convellere  potuerint.  Sed  quis  metus  potest  tenere  eos  qui  certi  sunt,  dum  stant  pro  veritate,  ex  promisso  Dei,  se  habituros  os  et  sapientiam  cui  omnes  adversarii  non  possint  resistere?  et  qui  non  propriam  gloriam  neque  ut  vincant  quaerunt,  sed  gloriam  Dei,  et  ut  Christus  et  veritas  vincat,  et  id  petunt  in  privatis  et  publicis  precibus?  At  novit  Carolus  nos  ardentius  precatos  esse,  et  omnes  ad  preces  invitasse.  Si  quis  forte  nobis  timens,  ut  olim  contigit,  ubi  primum  vocabar  ad  praedicandum,"2)  et  accurrissent  aliqui  magni  ut  videbantur,  ego  vero  nullus  videbar  (ut  vere  ex  me  sum),  dicebant:  Quid  faciet  hic  miser?  utinam  nunquam  venisset  nec  vocatus  fuisset:  non  poterit  subsistere,  et  omnes  confundemur  cum  eo.  Sed  ubi  collata  fuerunt  signa,s)  et  ultro  adversariis  ea  quae  volebamus  tueri  proponentes  in  arenam  adversarium  provocaremus  :  ibi  is  quem  tantopere  nonnulli  formidabant,  dixit  se  nolle  disputare,  neque  dignum  esse  qui  librum  post  me  ferat.  Si  ita  dictum  fuerit  Carolo,  non  satis  novi:  sed  quod  ego  neque  Viretus  unquam  cogitaverimus,  hoc  possumus  certo  affirmare:  neque  voluimus  eum  aliquid  omittere  eorum  quae  adduci  possunt,  imo  potius,  ut  dixi,  lapsum  memoria  et  non  satis  tenentem  quae  dicenda  erant,  et  unde  coepisset  orationem,  saepius  in  viam  reducebamus.  Quid  tentarit  sub  finem  disputationis,  quam,  ut  diximus,  per  Bernardum  impetravimus,  non  prorsus  ignoramus,  9)  sed  per  Dominum  effectum  est  ut  5)  Ea  scil.  quae  mense  Octobre  1536  habita  est,  et  ubi  Carolus  de  transsubstantiatione  verba  fecit  (Buchat,  IV.  325).  6)  Pertinent  haec  ad  m.  Febr.  1524,  quum  Farellus  e  Gallia  j  rofugus  disputationem  habuit  annuente  senatu,  invi-'  tis  universitatis  professoribus,  maxime  L.  Baerio,  Erasmi  amico.  (Hermi.  I.  193  sa.  202.  Kirchh.  L  19  sa.  Herzoq,  Oecol  L  248.;  7)  m.  Iunio  1524  Monbelgardi,  suasu  Basileensium  et  ex  autoritate  ducis  Ulrici  exsulis.  Vide  ipsum  in  praefatione  Summarii  sui  ed.  1552  et  Kirchhofer,  I.  34.  8)  scil.  in  disputatione  Genevensi.  9)  verum  nos  nescimus  quid  hic  significet.  Carolus  se  iam  persuasum  testabatur.