9:479  479  DE  VERA  PARTICIPATIONE  480  sed  symbola  duntaxat.  Quasi  vero  coena  veris  Dei  cultoribus  non  coelestis  sit  actio,  vel  quasi  vehiculum  l)  quo  mundum  transscendant.  Sed  quid  hoc  ad  Heshusium?  qui  non  modo  subsistit  in  terra,  sed  rostrum  suum  quoad  potest  in  lutum  defigit.  Docet  Paulus  nos  induere  Christum  in  baptismo  (Gal.  3,  27):  quam  lepide  ratiocinabitur  hoc  fieri  non  posse,  si  Christus  in  coelo  maneat?  Atqui  Paulo,  dum  ita  loquitur,  nunquam  in  mentem  venit  Christum  e  coelo  elicere:  quia  sciebat  alio  modo  nobis  esse  coniunctum,  nec  tamen  minus  praesentem  esse  eius  sanguinem  ad  animas  abluendas,  quam  sit  aqua  abluendo  corpori.  Quod  si  excipiat:  Aliud  esse  comedere  quam  induere,  respondeo  :  Non  minus  indumento  nos  circumdari  quam  cibum  intra  nos  accipere.  Certe  vel  stultitia  vel  malitia  hominis  hoc  uno  coarguitur,  quod  nullam  nisi  localem  praesentiam  admittit.  Physicam  neget  licet,  de  hoc  etiam  cavilletur,  sistit  tamen  corpus  Christi  ubicunque  est  panis,  et  proinde  contendit  pluribus  [pag.  31]  simul  esse  locis.  Vocem  hanc  quando  usurpare  non  dubitat,  cur  non  dicetur  praesentia  localis  ad  quam  nos  trahit?  Eiusdem  farinae  est  illud:  Non  vere  accipi  corpus,  si  symbolice  accipitur.  Quasi  vero  symbolo  excludamus  rei  exhibitionem.  Tandem  praestigias  esse  dicit,  nisi  asseritur  duplex  manducatio,  spiritualis  et  corporalis.  Quam  inscite  et  perperam  quae  de  spirituali  manducatione  testimonia2)  torqueat,  dicere  supersedeo,  quando  pueris  ipsis  se  facit  ridiculum.  Quod  ad  summam  rei  pertinet,  si  vitiosa  est  divisio  cuius  membra  inter  se  coincidunt  (quod  pueris  inter  prima  elementa  traditur)  quomodo  vitii  huius  culpam  effugiet?3)  Nam  si  qua  est  manducatio  non  spiritualis,  sequetur  in  coenae  mysterio  nullam  esse  spiritus  operationem.  Ita  naturaliter  vocabitur  Christi  caro,  non  secus  ac  caducus  et  corruptibilis  cibus:  deinde  praecipua  salutis  aeternae  arrha  spiritu  carebit.  Ut  hoc  belluam  perfrictae  frontis  non  moveat:  quaero  an  extra  usum  coenae  nulla  sit  alia  manducatio  quam  spiritualis,  quae  secundum  ipsum  corporali  opponitur.  Atqui  aperte  affirmat  hanc  nihil  aliud  esse  quam  fidem,  qua  nobis  applicamus  beneficia  mortis  Christi.  Ubi  ergo  erit  illud  Pauli,  nos  carnem  de  carne  Christi  esse,  et  ossa  ex  ossibus  eius  (Ephes.  5,  30)  ?  Quorsum  evanescet  illa  exclamatio:  Hoc  esse  magnum  mysterium  (ibid.  v.  32)?  Nam  si  praeter  applicationem  meriti  nihil  relinquitur  fidelibus  extra  praesentem  coenae  usum,  semper  a  suis  membris  separatum  erit  caput,  nisi  eo  momento  quo  panis  in  os  et  guttur  coniicitur.  Adde  quod  non  minus  evan-  1)  une  adresse.  2)  qui  sont  de  la  manducation  spirituelle.  Verbum  excidisse  videtur  in  archetypo.  3)  quel  ordre  y  aura-il  d'en  garentir  cest  opiniastre?