8:479  479  REFUTATIO  ERRORUM  480  34]  esse  docet.  Unde  sequitur,  gladium  in  eorum  manu  esse  depositum,  quo  sanam  doctrinam  propugnent.  1)  Quod  praestare  nequeunt,  nisi  impias  corruptelas  poenis  cohibere  liceat.2)  Desinant  ergo  indocti  homines,  et  parum  considerati,  negare  de  verae  doctrinae  corruptoribus  sumendas  esse  poenas,  nisi  palam  Deo  obstrepere  velint.  Verum  quidquid  de  iure  magistratuum  probatum  sit,  me  propria  invidia,  qua  gravor  apud  multos,  non  levat.  Nihil  minus  decuisse  aiunt,  quam  ut  Servetum  professis  Christi  hostibus  quasi  immanibus  bestiis  obiicerem.  Mea  enim  opera  factum  fuisse  affirmant,  ut  Viennae  in  provincia  Lugdunensi  captus  fuerit.  Sed  unde  mihi  tanta  cum  papae  satellitio  repente  familiaritas?  unde  etiam  tanta  gratia?  Scilicet  credibile  erit  literas  inter  eos  ultro  citroque  volitare,  quibus  non  minus  est  inter  se  dissidium  quam  Christo  cum  Belial.  Quare  pluribus  verbis  tam  futilem  calumniam  refellere  nihil  attinet,  quae  simplici  negatione  fracta  concidit.  Iam  fluxerunt  anni  quatuor  ex  quo  hanc  de  me  fabulam  commentus  est  Servetus  ipse,  et  spargendam  Venetiis3)  curavit.  Quanquam  odiumne  mihi  de  nihilo  maligne  conflare  voluerit,  an  falso  suspicatus  sit  quod  scribebat,  non  disputo.  Tantum  quaero:  si  iam  tunc  meo  indicio  proditus  fuerat,  qui  factum  est  ut  triennium  quietus  et  sine  molestia,  ante  hostium  oculos  transigeret?  Certe  aut  concedant  necesse  est,  confictum  fuisse  de  me  crimen:  aut  plus  sancto  suo  martyri  favoris  fuisse  apud  papistas,  quam  ut  illi  mea  accusatio  quidquam  noceret.  Nec  vero  si  vere  id  mihi  obiicerent,  putarem  esse  negandi  causam,  qui  non  dissimulo,  me  autore  factum  esse  ut  in  hac  [pag.  35]  urbe  deprehensus  ad  causam  dicendam  postularetur.  Obstrepant  licet  vel  malevoli  vel  maledici  homines,  ego  libenter  fateor  ac  prae  me  fero  (quia  secundum  urbis  leges  aliter  cum  homine  iure  agi  non  poterat)  ex  me  prodiisse  accusatorem  :  nec  infitior  meo  consilio  dictatam  esse  formulam,  qua  patefieret  aliquis  in  causam  ingressus.  Caeterum,  quid  mihi  tunc  fuerit  consilii,  ex  ipso  deinde  actionis  progressu  apparuit.  Simul  enim  ac  vocati  sumus  ego  et  collegae  mei,  minime  per  nos  stetit  quominus  placide  nobiscum  de  suis  dogmatibus  conferre  liberum  illi  esset.  Imo  perinde  accessimus  ac  si  ex  vinculis  reddenda  esset  doctrinae  nostrae  ratio:  ac  si  quid  obiiceret,  testati  sumus  nos  ad  respondendum  paratos  esse.  Quum  plenis  buccis  convicia  subinde  in  me  evomeret,  quorum  iudices  1)  Add.  quand  besoin  sera,  punissant  les  heretiques  qui  la  renversent.  2)  Add.  Si  cela  a  este  dict  du  temps  qu'il  n'y  avoit  nuls  Princes  chrestiens  y  a  il  propos,  quand  Dieu  en  donne,  de  les  dessaisir  de  ceste  authorite?  3)  Add.  et  a  Padoue.