7:479  479  ACTA  SYNODI  TRIDENTINAE  480  illuminari  oculos  mentis  nostrae,  nisi  cernamus  quae  sit  spes  nostrae  haereditatis  (Ephes.  1,  18).  Et  ex  testimoniis  superioribus  satis  constat,  non  esse  rectam  fidem,  nisi  quum  audemus,  tranquillis  animis,  nos  in  conspectum  Dei  sistere:  nam,  ut  praeclare  Bernardus,  si  turbetur  conscientia,  non  perturbabitur,  vulnerum  Domini  memor.  l)  Illic  enim  tuta  firmaque  infirmis  requies,  et  securitas,  [pag.  236]  Quod  ipsum  sonant  Zachariae  verba  (Cap.  3,  10):  Descendet  quisque  in  vitem  suam,  sub  ficu  sua  habitabit  secure,  quum  remissa  fuerit  terrae  iniquitas.  In  XIV.  Non  video  quorsum  idem  bis  damnent:  nisi  quod  timebant,  ne  cassum  esset  prius  fulmen.  Atqui,  nihilo  plus  adversus  tam  liquidam  Dei  veritatem  proficient,  centies  fulminando.  Dicit  Christus:  Fili,  confide:  remittuntur  tibi  peccata  tua  (Matth.  9,  2).  Hanc  sententiam  abominantur  cornuti  patres,  si  quis  absolutionem  doceat  fide  sola  perfici.  Quanquam  meminisse  debet  pius  lector,  non  excludi  a  nobis  poenitentiam,  quae  omnino  necessaria  est  :  sed  de  causa  obtinendae  absolutionis  quum  quaeritur,  solam  fidem  nominari.  Et  merito.  Quomodo  enim  vere  Deum  timere  incipiet,  nisi  qui  iam  sibi  propitium  esse  persuasus  fuerit?  Unde  autem  persuasio,  nisi  ex  absolutionis  fiducia?  In  XV.  Verum  est  quidem:  noxiam  esse,  ideoque  fugiendam,  nimis  scrupulosam  huius  rei  inquisitionem.  2)  Idque  sedulo  docemus.  Sed  ea  scientia  praedestinationis,  quam  nobis  commendat  Paulus,  nec  saevum  Neptuni  tridentem,  nec  omnes  Aeoli  flatus,  nec  Cyclopum  fragores,  nec  ullas  tempestatum  procellas  formidat.  3)  Vult  enim  hoc  scire,  ac  pro  certo  habere  Ephesios,  se  participes  factos  coelestis  gratiae  [pag.  237]  in  Christo,  quemadmodum  electi  in  ipso  fuerant  ante  mundi  creationem  (Ephes.  1,  4).  Sic  ergo  suae  electionis  certos  esse  convenit  universos  fideles,  ut  illam  in  Christo,  tanquam  in  speculo,  intueri  discant.  Neque  vero  de  nihilo  Christus  suos  hac  consolatione  animat,  ex  iis  qui  sibi  dati  sunt  a  patre,  periturum  neminem  (Ioann.  6,  39).  Et  quid  aliud,  amabo,  est  certa  praedestinationis  nostrae  cognitio,  quam  illud  adoptionis  testimonium,  quod  piis  omnibus  commune  facit  scriptura  (Rom.  8,  16)?  In  XVI.  Ne  saepius  eadem  repetere  cogar:  nihil  aliud  hic  damnant,  quam  quod  certis  spiritus  sancti  oraculis  proditum  esse,  prius  ostendi.  1)  Super  cantica  serm.  16.  2)  Add.  assavoir  si  nous  sommes  predestinez.  3)  Gallus  haec  tantum:  ne  creint  point  les  fulminations  de  messieurs  de  Trente.